ଜାଣନ୍ତୁ ଆଜି କେଉଁ କେଉଁ ଜିଲ୍ଲାରେ ବନ୍ଦ ରହିବ ଟିକାକରଣ…
ଭୁବନେଶ୍ୱର(ବଡ଼ ଖବର ବ୍ୟୁରୋ): ପୁଣି ଟିକାର ଅଭାବ । ଗୁରୁବାର ୪ ଜିଲ୍ଲାରେ ବନ୍ଦ ରହିଛି ଟିକାକରଣ । ରାଜ୍ୟରେ ଏବେ ମାତ୍ର ୧ ଲକ୍ଷ ୯୦ ହଜାର ୩୮୦ ଡୋଜ୍ କୋଭିସିଲ୍ଡ ଟିକା ରହିଛି । ଗୁରୁବାର ବଲାଙ୍ଗୀର, ବାଲେଶ୍ୱର, ଢେଙ୍କାନାଳ ଓ ସୋନପୁରରେ ଟିକାକରଣ ବନ୍ଦ ରହିବା ସହ ସେସନ୍ ସାଇଟ୍ ସଂଖ୍ୟା ମଧ୍ୟ ୭୦୩ କୁ କମାଇଛି ସ୍ୱାସ୍ଥ୍ୟ ବିଭାଗ ।
ବୁଧବାର ୧୦୧୫ କେନ୍ଦ୍ରରେ ଟିକାଦାନ ହୋଇଥିବା ବେଳେ ଟିକା ନେଇଛନ୍ତି ୨ ଲକ୍ଷ ୬ହଜାର ୬୧୯ । ୧୮-୪୪ ବର୍ଷ ବୟସର ପ୍ରଥମ ଡୋଜ୍ ନେଇଛନ୍ତି ୯୮ ହଜାର ୬୮୭ ଜଣ । ଦ୍ୱିତୀୟ ଡୋଜ୍ ନେଇଛନ୍ତି ୨୩୦୬ ଜଣ । ୪୫ ବର୍ଷରୁ ଅଧିକ ବୟସର ୨୩ହଜାର୨ଜଣ ପ୍ରଥମ ଡୋଜ୍ ନେଇଥିବା ବେଳେ ୮୨ ହଜାର ୮୪ ଜଣ ଦ୍ୱିତୀୟ ଡୋଜ୍ ନେଇଛନ୍ତି ।
ଏହି ଟିକାକରଣରେ ଉଭୟ କୋଭାକ୍ସିନ୍ ଓ କୋଭିସିଲ୍ଡ ନେଇଛନ୍ତି ହିତାଧିକାରୀ । ୮ ଜଣ ସ୍ୱାସ୍ଥ୍ୟକର୍ମୀ ପ୍ରଥମ ଡୋଜ୍ ଓ ୯୩ ଜଣ ସ୍ୱାସ୍ଥ୍ୟକର୍ମୀ ଦ୍ୱିତୀୟ ଡୋଜ୍ ନେଇଛନ୍ତି । ୯୯ ସମ୍ମୁଖ ଯୋଦ୍ଧା ପ୍ରଥମ ଡୋଜ୍ ନେଇଥିବା ବେଳେ ୩୪୦ ଜଣ ଦ୍ୱିତୀୟ ଡୋଜ୍ ନେଇଛନ୍ତି ।