କେଉଁ କେଉଁ ମୋବାଇଲ ଆପ୍ ଆପଣଙ୍କ ମୋବାଇଲରେ ରହିବା ନିହାତି ଜରୁରୀ… ଜାଣନ୍ତୁ

ଭୁବନେଶ୍ୱର(ବଡ଼ ଖବର): ଦୈନଦିନ ଜୀବନରେ ମୋବାଇଲର ଗୁରୁତ୍ୱ ବଢିବାରେ ଲାଗିଛି । ସମୟ ବଦଳିବା ସହିତ ଟେକ୍ନୋଲୋଜିରେ ମଧ୍ୟ ପରିବର୍ତ୍ତନ ଆସୁଛି । ଯାହା ଫଳରେ ମୋବାଇଲ ଏବେ ମଣିଷର ଏକ ଅଙ୍ଗ ପାଲଟିଯାଇଛି । ମନି ଟ୍ରାନସଫର ଠୁ ଆରମ୍ଭ କରି ସ୍ୱାସ୍ଥ୍ୟସେବା ପର୍ଯ୍ୟନ୍ତ ସବୁ କିଛି ମୋବାଇଲରେ ଉପଲବ୍ଧ ହୋଇପାରୁଛି । ତେବେ କେତେକ ସରକାରୀ ଆପ୍, ଯାହାକି ଆପଣଙ୍କ ମୋବାଇଲରେ ନିହାତି ରହିବା ଜରୁରୀ ଜାଣନ୍ତୁ ।

ଗୁଗୁଲ୍ ପ୍ଲେ ଷ୍ଟୋର୍ ଏବଂ ଆପଲ୍ ଷ୍ଟୋରରେ ହଜାର ହଜାର ଏପରି ଆପ୍ ଅଛି ଯାହା ଅତ୍ୟନ୍ତ ଉପଯୋଗୀ । କିନ୍ତୁ ବ୍ୟକ୍ତିଗତ ଆପଗୁଡ଼ିକର ବିଶ୍ୱସନୀୟତା ଉପରେ ସମସ୍ତଙ୍କ ମନରେ ସବୁବେଳେ ସନ୍ଦେହ ରହିଥାଏ । ଏଭଳି ପରିସ୍ଥିତିରେ ଭାରତ ସରକାରଙ୍କ ଅନେକ ଅଫିସିଆଲ୍ ଆପ୍ ଅଛି ଯାହା ଉପଯୋଗୀ ତଥା ନିର୍ଭରଯୋଗ୍ୟ ଅଟେ।
• ଡିଜି ଲକର୍
ଡିଜି ଲକର୍ ହେଉଛି ଏକ ଆପ୍ ଯେଉଁଥିରେ ଆପଣ ଆପଣଙ୍କର ଆବଶ୍ୟକୀୟ ଡକ୍ୟୁମେଣ୍ଟଗୁଡ଼ିକୁ ଡିଜିଟାଲ୍ ଫର୍ମାଟରେ ସେଭ୍ କରିପାରିବେ । ଏହା ସହିତ ଆପଣ ନିଜର ଶିକ୍ଷାଗତ ସାର୍ଟିଫିକେଟ୍ ମଧ୍ୟ ରଖିପାରିବେ । ଏତିସହିତ ଏହି ଆପ୍ ରେ ଆପଣ ନିଜର ଡ୍ରାଇଭିଂ ଲାଇସେନ୍ସ, ଗାଡ଼ିର କାଗଜପତ୍ର, ଆଧାର କାର୍ଡ, ପ୍ୟାନ୍ କାର୍ଡ ଏବଂ ଅନ୍ୟାନ୍ୟ ଜରୁରୀ ପ୍ରମାଣପତ୍ର ସବୁ ଡିଜିଟାଲ ଫର୍ମାଟରେ ରଖିପାରିବେ ।
• ହିମତ୍ ପ୍ଲସ୍
ମହିଳାଙ୍କ ସୁରକ୍ଷାକୁ ଦୃଷ୍ଟିରେ ରଖି ଭାରତ ସରକାର ହିମତ୍ ଆପ୍ ଲଞ୍ଚ କରିଥିଲେ । ଏହି ଆପ୍ ମାଧ୍ୟମରେ ଉପଭୋକ୍ତାମାନେ ଯେକୌଣସି କଠିନ ପରିସ୍ଥିତିରେ ଆଲର୍ଟ ପଠାଇଲେ ଯାହା ସିଧାସଳଖ ପୋଲିସର କଣ୍ଟ୍ରୋଲ୍ ରୁମରେ ପହଞ୍ଚିବ ।
• ଉମଙ୍ଗ ଉମାଙ୍ଗ
ଏହା ମଧ୍ୟ ଏକ ସରକାରୀ ଆପ୍ ଯାହା ଅତ୍ୟନ୍ତ ଉପଯୋଗୀ । ଉପଭୋକ୍ତାମାନେ ଏହି ଆପରେ ଏମ୍ପ୍ଲୟମେଣ୍ଟ୍ ପ୍ରୋଭିଡେଣ୍ଟ୍ ପାଣ୍ଠି (ଇପିଏଫ୍), ପ୍ୟାନ୍, ଆଧାର, ଡିଜି ଲକର, ଗ୍ୟାସ୍ ବୁକିଂ, ମୋବାଇଲ୍ ବିଲ୍ ପେମେଣ୍ଟ ଏବଂ ବିଦ୍ୟୁତ୍ ବିଲ୍ ପେମେଣ୍ଟ ଇତ୍ୟାଦି ପାଇବେ। ଉମାଙ୍ଗ ଆପରେ ସମୁଦାୟ ୧୬ ଟି ସୁବିଧା ସଂଲଗ୍ନ ହୋଇସାରିଛି । କିଛି ମାସ ପୂର୍ବରୁ, ସରକାର ଏହି ଆପରେ ଅନ୍ୟ କିଛି ବୈଶିଷ୍ଟ୍ୟ ପ୍ରଦାନ କରିବାକୁ ମଧ୍ୟ ନିଷ୍ପତ୍ତି ନେଇଛନ୍ତି ଏବଂ ସେହି ସୁବିଧାଗୁଡ଼ିକ କେବଳ କର୍ମଚାରୀ ପେନସନ୍ ସ୍କିମ୍ ତଥା ଏକ୍ସ ଉପଭୋକ୍ତାଙ୍କ ପାଇଁ ସହାୟକ ହେବ ।
• ଏମ୍ ଆଧାର
ଏହି ଆପରେ ଆପଣ ଆପଣଙ୍କର ଆଧାର କାର୍ଡକୁ ଡିଜିଟାଲ୍ ଫର୍ମାଟରେ ରଖିପାରିବେ । ଆହୁରି ମଧ୍ୟ, ଆପଣ ନିଜର ବାୟୋମେଟ୍ରିକ୍ ସୂଚନାକୁ ସୁରକ୍ଷିତ ରଖିପାରିବେ । ଆବଶ୍ୟକ ସମୟରେ ଆପଣ ଏହି ଆପ ଜରିଆରେ ଆଧାର କାର୍ଡ ମଧ୍ୟ ଦେଖାଇ ପାରିବେ । ଆଜିକାଲି ପ୍ରତ୍ୟେକ ସରକାରୀ ତଥା ବେସରକାରୀ କାର୍ୟ୍ୟ ପାଇଁ ଆଧାର କାର୍ଡ ନିହାତି ଆବଶ୍ୟକ । ତେଣୁ ଆପଣ ପାଖରେ ଆଧାରକାର୍ଡ ରଖି ନଥିଲେ ମଧ୍ୟ ଏହି ଆପ୍ ଆପଣଙ୍କ ପାଇଁ ଉପଯୋଗୀ ହୋଇପାରିବ ।
• ମୋ ସରକାର
ସରକାରଙ୍କ ଏହି ଆପ୍ ଅତ୍ୟନ୍ତ ସ୍ୱତନ୍ତ୍ର, କାରଣ ଲୋକମାନେ ଏହି ପ୍ଲାଟଫର୍ମ ମାଧ୍ୟମରେ ବିଭିନ୍ନ ବିଭାଗ ଏବଂ ମନ୍ତ୍ରଣାଳୟକୁ ନିଜ ନିଜର ମତାମତ ଦେଇପାରିବେ । ଆପଣଙ୍କର କୌଣସି ଯୋଜନା ସମ୍ବନ୍ଧରେ କିଛି ନୂଆ ଧାରଣା ରହିଛି ତେବେ ଆପଣ ଏହି ଆପ୍ ମାଧ୍ୟମରେ ସରକାରଙ୍କୁ ନିଜର ମତାମତ ଦେଇପାରିବେ ।