ରିଲିଜ ହେବ ‘ଡନ-୩’ର ଟିଜର

ମୁମ୍ବାଇ(ବଡ ଖବର ବ୍ୟୁରୋ); କିଛିଦିନ ତଳେ ରିଲିଜ ହୋଇଥିବା ଫିଲ୍ମ ‘ରକି ଅର ରାନୀ କି ପ୍ରେମ କାହାନୀ’ ବକ୍ସ ଅଫିସରେ ଖୁବ ଧମାଲ ମଚାଉଛି । ଏହି ଫିଲ୍ମରେ ରଣଭୀର ଓ ଆଲିଆଙ୍କ ଜୋଡିକୁ ଦର୍ଶକମାନେ ଖୁବ ପସନ୍ଦ କରିଛନ୍ତି । ଏହି ଫିଲ୍ମଟି ଭାରତରେ ୧୦୦ କୋଟିରୁ ଅଧିକ କଲେକ୍ସନ କରିଥିବା ବେଳେ ୱାର୍ଲ୍ଡ ୱାଇଡରେ ପାଖାପାଖି ୨୦୦କୋଟିର କଲେକ୍ସନ କରିଛି ।

ବର୍ତ୍ତମାନ ରଣଭୀରଙ୍କ ଫ୍ୟାନ୍ସମାନଙ୍କ ପାଇଁ ଏକ ଖୁସି ଖବର ରହିଛି । ରିପୋର୍ଟ ଅନୁଯାୟୀ ରଣଭୀର ଫରହାନ ଅଖତରଙ୍କ ସହ ‘ଡନ-୩’ର ଘୋଷଣା ପାଇଁ ପ୍ରସ୍ତୁତ ଅଛନ୍ତି । ରଣଭୀର ଏହା ପାଇଁ ଏକ ଆନାଉନ୍ସମେଣ୍ଟ ଭିଡିଓ ମଧ୍ୟ ସୁଟ କରିଛନ୍ତି। ଯାହା ୨-୩ ଦିନ ମଧ୍ୟରେ ରିଲିଜ ହେବ । ଡନର କଥା କହିବା ମତ୍ରେ ସର୍ବପ୍ରଥମେ ଅମିତାଭ ଏବଂ ପରେ ଶାହାରୁଖଙ୍କ କଥା ମନକୁ ଆସେ । ‘ଡନ-୧’ଓ‘ଡନ-୨’ ପରେ ‘ଡନ-୩’ କୁ ନେଇ ଖୁବ ଚର୍ଚ୍ଚା ହେଉଥିଲା ।

ପ୍ରଥମେ କୁହାଯାଉଥିଲା ଯେ ଶାହାରୁଖ ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ମାତ୍ର ପରେ ଏହି ଫିଲ୍ମ ପାଇଁ ରଣଭୀରଙ୍କ ନାମ ଘୋଷଣା କରାଗଲା । ‘ଡନ-୩’ର ଟିଜର ଏହି ସପ୍ତାହରେ ରିଲିଜ ହେବ ବୋଲି କୁହାଯାଉଛି ।