Before Header

ନବନିର୍ମାଣ କୃଷକ ସଙ୍ଗଠନର ଧାରଣା

0 24

ଭଦ୍ରକ, (ବଡ଼ ଖବର ବ୍ୟୁରୋ): ସାତଦଫା ଦାବିନେଇ ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଧାରଣା। ଜିଲ୍ଲାପାଳଙ୍କ କାର୍ୟ୍ୟାଳୟ ଆଗରେ ଧାରଣାରେ ବସିଛନ୍ତି ସଂଗଠନ କର୍ମକର୍ତ୍ତା। ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାରଙ୍କ ନେତୃତ୍ୱରେ ଧାରଣା ଦିଆଯାଇଛି। ରିଲିଫ୍ କୋଡ୍ ସଂଶୋଧନ, ପ୍ରତେକ ଚାଷୀ ପରିବାରକୁ ୫ ହଜାର ଟଙ୍କାର ସୁରକ୍ଷା ପ୍ରଦାନ, ବନ୍ୟା କ୍ଷତିଗ୍ରସ୍ତ ଚାଷୀଙ୍କୁ ୭ ହଜାର ୫୦୦ଟଙ୍କା ପ୍ରଦାନ ଆଦି ଦାବି ରହିଛି। ଜିଲ୍ଲାର ବିଭିନ୍ନ ସ୍ଥାନରୁ ଚାଷୀମାନେ ଆସି ଏହି ଧାରଣାରେ ଯୋଗଦେଇଛନ୍ତି।

ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାରଙ୍କ ସମେତ ଜିଲ୍ଲା ସଂଯୋଜକ ତ୍ରିଲୋଚନ ପଣ୍ଡା ଏବଂ ଅନ୍ୟ କର୍ମକର୍ତ୍ତାମାନେ ଏଥିରେ ସାମିଲ ହୋଇଛନ୍ତି। ଗତ ସେପ୍ଟେମ୍ବର ୧୪ ତାରିଖରେ କଣ୍ଟିଘାଇ ନିକଟରେ ଏକ ସମ୍ମିଳନୀ କରି ସମସ୍ୟା ସମ୍ପର୍କରେ ସରକାରଙ୍କୁ ଅବଗତ କରାଇଥିଲେ ମଧ୍ୟ ସରକାର ଏଥିପ୍ରତି ଦୃଷ୍ଟି ଦେଇ ନ ଥିବା ଅଭିଯୋଗ ହୋଇଛି। ଆଜିଯାଏ କୌଣସି ସ୍ଥାୟୀ ପ୍ରତିକାର ହୋଇପାରୁନି। ତେଣୁ ଏହି ଗଣସତ୍ୟାଗ୍ରହ ମାଧ୍ୟମରେ ଆଉଥରେ ସରକାରଙ୍କୁ ଚେତାବନୀ ଦେଇଛି ନବନିର୍ମାଣ କୃଷକ ସଂଗଠନ। ଆଗାମୀ ଦିନରେ ସରକାର ଯଦି ଚାଷୀଙ୍କ ଦାବି ପୂରଣ ନ କରନ୍ତି ତେବେ ଆନ୍ଦୋଳନକୁ ଆହୁରି ତୀବ୍ରତର କରାଯିବ ବୋଲି ଚେତାବନୀ ଦିଆଯାଇଛି।

 

Leave A Reply

Your email address will not be published.