ଭୁୁବନେଶ୍ୱର (ବଡ଼ ଖବର ବ୍ୟୁରୋ): ଗୋପାଳ ଛୁଟିକୁ ନେଇ ସରକାରଙ୍କ ଗୋଳମାଳିଆ ତଥ୍ୟ । ମନ୍ତ୍ରୀଙ୍କ ଉତ୍ତରରେ ରହୁନି ତାଳ ମେଳ । ଗୋପାଳ ଦାସର ଛୁଟିକୁ ନେଇ ବିଧାନସଭାରେ ଉତ୍ତର ରଖିଛନ୍ତି ଗୃହ ରାଷ୍ଟ୍ରମନ୍ତ୍ରୀ ତୁଷାରକାନ୍ତି ବେହେରା । ଦୁଇଟି ଭିନ୍ନ ଭିନ୍ନ ଉତ୍ତରକୁ ନେଇ ବଢିଲା ଦ୍ୱନ୍ଦ୍ୱ। ବିଜେପି ବିଧାୟକ ସୁବାସ ପାଣିଗ୍ରାହୀଙ୍କ ଲିଖିତ ପ୍ରଶ୍ନରେ ମନ୍ତ୍ରୀ ଉତ୍ତର ରଖିଛନ୍ତି । ମନ୍ତ୍ରୀ କହିଛନ୍ତି ୨୦୧୫ରେ ଗୋପାଳ ଏମକେସିଜିରେ ମାନସିକ ରୋଗ ବିଶେଷଜ୍ଞଙ୍କ ପାଖରେ ଚିକିତ୍ସା ହେଉଥିଲେ। ୧୧୯ ଦିନ ପାଇଁ କାମରୁ ଛୁଟିରେ ଥିଲେ ଗୋପାଳ ଦାସ । ଫିଟନେସ୍ ସାର୍ଟିଫିକେଟ୍ ଦେଖାଇ କାର୍ୟ୍ୟରେ ଦେଇଥିଲେ ଯୋଗ ।
କିନ୍ତୁ ନରସିଂହ ମିଶ୍ରଙ୍କ ଆଉ ଏକ ଲିଖିତ ପ୍ରଶ୍ନର ଉତ୍ତରରେ ଗୃହ ରାଷ୍ଟ୍ରମନ୍ତ୍ରୀ ରଖିଥିବା ଉତ୍ତର ସମ୍ପୂର୍ଣ୍ଣ ଭିନ୍ନ । ତୁଷାରକାନ୍ତି ବେହେରା କହିଛନ୍ତି, ୨୦୧୫ ରେ ନିଜ ଅସୁସ୍ଥତା ପାଇଁ କୈାଣସି ଛୁଟି ନେଇନାହାନ୍ତି ଗୋପାଳ। କେବଳ ୨୦୧୫ ନୁହେଁ ୨୦୧୪ ରୁ ୨୦୨୨ ପର୍ଯ୍ୟନ୍ତ ଶାରିରୀକ ଅସୁସ୍ଥତା ପାଇଁ କୈାଣସି ଛୁଟି ନେଇନଥିଲେ ଗୋପାଳ। କିନ୍ତୁ ୨୦୧୪-୨୦୧୫ ମଧ୍ୟରେ ଗୋପାଳ ବିନା ଅନୁମତିରେ ଛୁଟିରେ ରହି ପରବର୍ତ୍ତୀ ସମୟରେ ମାନସିକ ରୋଗ ଚିକିତ୍ସା ହେଉଥିବା ଦର୍ଶାଇଥିଲା।
