ଆମ୍ବୁଲାନ୍ସରେ ହେଲା ପ୍ରସବ, ଶୁଣିଲେନି ମେଡିକାଲ କର୍ମୀ

ପୁରୀ(ବଡ଼ ଖବର ବ୍ୟୁରୋ): ବଡଦାଣ୍ଡ ପାଖମାଲିଯାଗା ପାଖରୁ ରକ୍ତାକ୍ତ ଅବସ୍ଥାରେ ଉଦ୍ଧାର ହୋଇଥିବା ମାନସିକ ଭିନ୍ନକ୍ଷମ ମହିଳା ଜନ୍ମ ଦେଲେ ଏକ ଶିଶୁ କନ୍ୟାକୁ । ଆମ୍ବୁଲାନ୍ସରେ ଶିଶୁ କନ୍ୟାକୁ ଜନ୍ମଦେଇଥିବା ବେଳେ ତାଙ୍କୁ ଚିକିତ୍ସାରେ ଅବହେଳା କରାଯାଇଥିବା ଅଭିଯୋଗ ଆଣିଥିଲେ ସ୍ୱେଚ୍ଛାସେବୀ ।
ମହିଳା ଜଣଙ୍କ ଏକ ଆଶ୍ରୟ ସ୍ଥଳୀରେ ରହୁଥିବା ବେଳେ ଗତ କାଲି ତାଙ୍କୁ ପ୍ରଶବ ଯନ୍ତ୍ରଣା ହୋଇଥିଵା ବେଳେ ତାଙ୍କୁ ଆମ୍ବୁଲାନ୍ସ ଯୋଗେ ଜ଼ିଲ୍ଲା ସଦର ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା । ହସ୍ପିଟାଲ ପରିସରରେ କର୍ମଚାରୀଙ୍କ ଅବହେଳା ପାଇଁ ଆମ୍ବୁଲାନ୍ସରେ ସେ ଏକ ଶିଶୁ କନ୍ୟାକୁ ଜନ୍ମଦେଇଥିଲେ ।

ଯାହା ଫଳରେ ହସ୍ପିଟାଲ ପରିସରରେ ଦେଖା ଦେଇଥିଲା ଉତେଜନା । ସ୍ୱେଚ୍ଛାସେବୀ ଦୀର୍ଘ ସମୟ ପର‌୍ୟ୍ୟନ୍ତ ମହିଳା ଓ ତାଙ୍କ ଶିଶୁ କନ୍ୟାକୁ ରକ୍ତ ଜୁଡୁବୁଡୁ ଅବସ୍ଥାରେ ଆମ୍ବୁଲାନସ ଭିତରେ ଧରିକି ବସିଥିବା ଦେଖିବାକୁ ମିଳିଥିଲା । ଏହାପୂର୍ବରୁ ମଧ୍ୟ ଅନେକ ଥର ଭିନ୍ନକ୍ଷମ ମହିଳାଙ୍କୁ ଚିକିତ୍ସାରେ ଅବହେଳା କରାଯାଇଥିବା ଅଭିଯୋଗ ହୋଇଥିଲା । ପାରାଲିଗାଲ ସ୍ୱଛାସେଵୀ ତଥା ସାହିଭାଇ ଅନୁଷ୍ଠାନର ସମ୍ପାଦକ ଚନ୍ଦ୍ରଶେଖର ମିଶ୍ର ଏ ନେଇ ଆଇନି ସେବା ପ୍ରାଧିକରଣରେ ଅଭିଯୋଗ କଲା ପରେ ପୁରୀ ଏସ୍ପି ଏ ଘଟଣାରେ ହସ୍ତକ୍ଷେପ କରିଥିଲେ ।