ସାଇବର ଠକ ସାବଧାନ! ଆସିଗଲା ହେଲ୍ପଲାଇନ ନମ୍ବର
ଭୁବନେଶ୍ୱର(ବଡ଼ ଖବର ବ୍ୟୁରୋ): ସାଇବର ଅପରାଧ ରୋକିବାକୁ ଜାରି ହେଲା ହେଲ୍ପଲାଇନ୍ ନମ୍ବର । ସହାୟତା ନମ୍ବର-୭୪୪୦୦୦୬୭୦୯ ଜାରି ହୋଇଛି । ଠକଙ୍କ ମୋବାଇଲ ନମ୍ବର ବ୍ଲକ ସହ ଆକାଉଣ୍ଟ ଖୋଲିଲେ ବ୍ଲକ କରାଯିବ । ଠକେଇ ଟଙ୍କା କୁଆଡେ ଯାଉଛି ଓ କେଉଁ ଆକାଉଣ୍ଟକୁ ଯାଉଛି ତାହାକୁ ଧରାଯିବ । ଠକେଇ ହେବାର ୧ଘଣ୍ଟା ମଧ୍ୟରେ ହେଲ୍ପ ଡେକ୍ସରେ ଜଣାଇବାକୁ ପରାମର୍ଶ ଦିଆଯାଇଛି । ଆସିଥିବା ୟୁଆର୍ଏଲ୍ ଦେବା ମାତ୍ରେ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ବୋଲି କମିଶନରେଟ ପୋଲିସ ପକ୍ଷରୁ କୁହାଯାଇଛି ।
ଥାନାରେ ଅଭିଯୋଗ ପହଞ୍ଚିବା ମାତ୍ରେ ଆଇଆଇସିଙ୍କୁ କାର୍ଯ୍ୟାନୁଷ୍ଠାନ ନିର୍ଦ୍ଦେଶ ଦିଆଯିବ । ସନ୍ଦେହଜନକ କଲ୍ ଆସିଲେ ପୋଲିସକୁ ଜଣାଇବାକୁ କୁହାଯାଇଛି । ଏହି ଦାୟିତ୍ୱରେ ଜଣେ ସବ୍ ଇନ୍ସପେକ୍ଟର ଓ ୭ ଜଣ କନେଷ୍ଟବଳ ଥିବା କମିଶନରେଟ ପୋଲିସ ପକ୍ଷରୁ ସୂଚନା ରହିଛି ।