ଘରୋଇ ସ୍କୁଲ ଫି ମାମଲାରେ କ’ଣ କହିଲେ ହାଇକୋର୍ଟ ଜାଣନ୍ତୁ…

ଭୁବନେଶ୍ୱର: ରାଜ୍ୟରେ ଘରୋଇ ସ୍କୁଲରେ ଫି ହ୍ରାସ ନେଇ ଆଜି ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ହାଇକୋର୍ଟ । କୋର୍ଟଙ୍କ ନିର୍ଦ୍ଦେଶରେ ଗଠିତ ହୋଇଥିବା ଉଚ୍ଚସ୍ତରୀୟ କମିଟିର ନିଷ୍ପତ୍ତି ଗ୍ରହଣ କରିବା ଲାଗି ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଯଦି କମିଟି ରିପୋର୍ଟ ଗ୍ରହଣ କରିବା ନେଇ କାହାର ଆପତ୍ତି ଥିବ ତାହେଲେ ସାନି ରିଟ୍ ଦାଖଲ ପାଇଁ କହିଛନ୍ତି କୋର୍ଟ । ପୂର୍ବରୁ ଘରୋଇ ସ୍କୁଲର ଫି’ ନିର୍ଦ୍ଧାରଣ ଲାଗି ସ୍କୁଲ ଓ ଗଣଶିକ୍ଷା ସଚିବଙ୍କ ଅଧ୍ୟକ୍ଷତାରେ ଗଠିତ କମିଟି ସୁପାରିଶ କରିଥିଲା ।

ବାର୍ଷିକ ୬ ହଜାର ଟଙ୍କା ପର୍ଯ୍ୟନ୍ତ ଟ୍ୟୁସନ ଫି ନେଇଥିବା ସ୍କୁଲର କୌଣସି ଫି ଛାଡ କରାଯାଇନଥିଲା । ୬ରୁ ୧୨ହଜାର ଟଙ୍କା ଫିରେ ୭.୫ ପ୍ରତିଶତ, ୧୨ରୁ ୧୪ହଜାର ଯାଏ ୧୨ ପ୍ରତିଶତ, ୨୪ରୁ ୪୮ ହଜାର ଯାଏ ୧୫ ପ୍ରତିଶତ ଏବଂ ୪୮ରୁ ୭୨ହଜାର ଯାଏ ଫିରେ ୨୦ ପ୍ରତିଶତ ଛାଡ କରାଯିବାକୁ ସୁପାରିଶ କରିଥିଲା କମିଟି । ରେସିଡେନ୍ସିଆଲ ସ୍କୁଲଗୁଡିକରେ ଫି ୩୦% ହ୍ରାସ ପାଇଁ କମିଟି ସୁପାରିଶ କରିଥିଲା । ଘରୋଇ ସ୍କୁଲ ଫି ବୃଦ୍ଧିକୁ ନେଇ ଅଭିଭାବକ ମହାସଂଘ ହାଇକୋର୍ଟ ଯାଇଥିଲା । ଏହାି ଶୁଣାଣି କରି ଆପୋସ ସାମଧାନ ପାଇଁ କୋର୍ଟ ପରାମର୍ଶ ଦେଇଥିଲେ ।