ଭାରତରେ ପାକିସ୍ତାନ ସରକାରଙ୍କ ଟ୍ୱିଟର ଆକାଉଣ୍ଟ ବ୍ଲକ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରେ ବ୍ଲକ ହେଲା ପାକିସ୍ତାନ ସରକାରଙ୍କ ଟ୍ୱିଟର ଆକାଉଣ୍ଟ। ଏନେଇ ଟ୍ୱିଟର ଜାରି କରିଥିବା ବିଜ୍ଞପ୍ତିରୁ ଜଣାପଡିଛି। ଅଦାଲତଙ୍କ ଆଦେଶ ବା ଆଇଗତ ଆବଶ୍ୟକତାକୁ ଚାହିଁ ପାକିସ୍ତାନ ସରକାରଙ୍କ ସମସ୍ତ ଆକାଉଣ୍ଟ୍ ବ୍ଲକ୍ କରିବାକୁ ‘ଟୁଇଟର୍’ କମ୍ପାନିର ଗାଇଡ୍ଲାଇନ୍ ‘ଟୁଇଟର୍’କୁ ବାଧ୍ୟ କରିଛି। କୌଣସି ବ୍ୟକ୍ତିବିଶେଷ ପାକିସ୍ତାନ ସରକାରଙ୍କ ଟ୍ୱିଟର ଆକାଉଣ୍ଟ୍ ‘ଆକ୍ସେସ୍’ କରିବାକୁ ଉଦ୍ୟମ କଲେ ସେଥିରେ ଆଇନଗତ ଆବଶ୍ୟକତା ଦୃଷ୍ଟିରୁ ଭାରତରେ @GovtofPakistanର ଆକାଉଣ୍ଟ୍କୁ ବ୍ଲକ୍ କରାଯାଇଛି ବୋଲି ଦେଖାଯାଉଛି।
Related Posts
ସୂଚନାଯୋଗ୍ୟ, ଏହାକୁ ମିଶାଇ ଗତ ୬ ମାସରେ ଭାରତରେ ପାକିସ୍ତାନ ସରକାରଙ୍କ ‘ଟୁଇଟର୍’ ଆକାଉଣ୍ଟ୍କୁ ୨ଥର ବ୍ଲକ୍ କରାଗଲାଣି। ପ୍ରଥମେ ପାକିସ୍ତାନ ସରକାରଙ୍କ ‘ଟୁଇଟର୍ ୨୦୨୨ ଅକ୍ଟୋବର୍ରେ ବ୍ଲକ୍ କରାଯାଇଥିଲା। ଜୁଲାଇ ମାସରେ ମଧ୍ୟ ପାକିସ୍ତାନ ସରକାରଙ୍କ ‘ଟୁଇଟର୍’ ଆକାଉଣ୍ଟ୍ କିଛି ବ୍ଲକ୍ ହୋଇଥିଲା, କିନ୍ତୁ ତୁରନ୍ତ ସଚଳ କରିଦିଆଯାଇଥିଲା।
