ଭୁବନେଶ୍ୱର (ବଡ଼ ଖବର ବ୍ୟୁରୋ): ଧାନକିଣାରେ ହୋଇଛି ବ୍ୟାପକ ଦୁର୍ନୀତି । ଯାହାକୁ ନେଇ ଷ୍ଟାଣ୍ଡିଂ କମିଟି ଦେଇଛି ବିସ୍ଫୋରକ ତଥ୍ୟ । ଧାନ କିଣା କ୍ଷେତ୍ରରେ ହାଇକୋର୍ଟ ଦେଇଥିବା ନିର୍ଦ୍ଦେଶକୁ ସଠିକ ଭାବେ କରାଯାଉନି ପାଳନ । ଅନ୍ୟପଟେ ଧାନକିଣା ଦାୟିତ୍ୱରେ ଥିବା ଲୋକ ବ୍ୟାପକ ଦୁର୍ନୀତିରେ ରହିଛନ୍ତି ଲିପ୍ତ । ଧାନ କିଣା ଦୁର୍ନୀତିରେ ଅନେକ କର୍ମଚାରୀଙ୍କୁ ନିଳମ୍ବିତ କରାଯାଇଛି । ମାତ୍ର ଏହି ନିଲମ୍ବନ ଆଦେଶ ଏକ ଦଣ୍ଡ ନୁହେଁ ।
ବରଂ ସେମାନଙ୍କ ବିରୋଧରେ ଫୌଜଧାରୀ ମାମଲା ରୁଜୁ କରିବା କଥା । ଯଦି ପଞ୍ଜିକରଣରେ କେଳେଙ୍କାରୀ ହେଉଛି ତେବେ କିଭଳି ଧାନକିଣା ସ୍ୱଚ୍ଛ ହେବ ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି । ଯେଉଁମାନେ ଏଭଳି ଦୁର୍ନୀତି ଗ୍ରସ୍ଥଙ୍କୁ ସାହାଯ୍ୟ କରୁଛନ୍ତି ସେମାନଙ୍କ ବିରୋଧରେ ଦୃଢ କାଯ୍ୟାନୁଷ୍ଠାନ ନେବା ଦରକାର ବୋଲି କମିଟି କହିଛି । ସେପଟେ ଧାନକିଣା ଅବ୍ୟବସ୍ଥାକୁ ନେଇ ବିଧାନସଭାରେ ଅଚଳାବସ୍ଥା ଜାରି ରହିଛି ।
