ବେଆଇନ ବାଲିଘାଟ ବନ୍ଦ କରିବା ପାଇଁ ମେଳି ବାନ୍ଧିଲେ ୪ ପଞ୍ଚାୟତ ବାସୀ।

ଜଗତସିଂହପୁର (ବଡ଼ ଖବର ବ୍ୟୁରୋ): ଜଗତସିଂହପୁର ଜିଲ୍ଲା ନାଉଗାଁ ବ୍ଲକର କୋରୁଅ ପଞ୍ଚାୟତ ଦେଇ ଦେବି ନଦୀ ପ୍ରବାହିତ ହେଇଛି। କିନ୍ତୁ ଦୁଃଖର ବିଷୟ ଏହି ପଞ୍ଚାୟତକୁ ଲାଗି କାକଟପୁର ବ୍ଲକର ତିନିଗୋଟି ପଞ୍ଚାୟତ ଲାଗିରହିଛି। କିନ୍ତୁ କାକଟପୁର ତହସିଲ୍ ପକ୍ଷରୁ ପତ୍ର ସଂଖ୍ୟା ୪୨୪୮ ତାରିଖ ୧୬.୧୦.୨୦୧୮ ନିଲାମ ନିମନ୍ତେ ବିଜ୍ଞପ୍ତି ପ୍ରକାଶ ପାଇଥିଲା। ଜୈନିକ ବ୍ୟକ୍ତି ଲିଜ୍ ସୂତ୍ରରେ ଏହି ବାଲିଘାଟଟିକୁ ଲିଜ୍ ସୂତ୍ରରେ ପାଇଥିଲେ।

କିନ୍ତୁ ଆଜି ପର୍ଯ୍ୟନ୍ତ ଉକ୍ତ ବାଲିଘାଟଟିରୁ ବାଲି ଉତ୍ତୋଳନ ପାଇଁ ମଞ୍ଜୁରୀ ମିଳି ନଥିବା ବେଳେ ହଠାତ କିଛି ବାଲି ମାଫିଆ ଏଠିକାର ଜନସାଧାରଣମାନଙ୍କୁ ଭୟଭୀତ କରାଇ ବାଲି ଚୋରା ଚାଲାଣ କରୁଛନ୍ତି। ଯାହା ଫଳରେ ଏଠିକାର ଚାରିଗୋଟି ପଞ୍ଚାୟତ ସମ୍ପୂର୍ଣ୍ଣ ଭାବରେ ନଦୀ ଗର୍ଭରେ ଲୀନ ହୋଇଯିବାର ଆଶଙ୍କା ସୃଷ୍ଟି ହୋଇଛି। ତେଣୁ ତୁରନ୍ତ ଏହି ବେଆଇନ ବାଲିଘାଟ ଟିକୁ ବନ୍ଦ କରିବା ପାଇଁ ଚାରିଗୋଟି ପଞ୍ଚାୟତବାସୀ ଏକତ୍ରୀତ ହୋଇ ପ୍ରଶାସନ ନିକଟରେ ନିଜର ଦାବି ଜଣାଇଛନ୍ତି । ଯଦି ପ୍ରଶାସନ ଏଥିପ୍ରତି କୌଣସି ପଦକ୍ଷେପ ଗ୍ରହଣ ନକରେ ତେବେ ରାଜରାସ୍ତାକୁ ଓହ୍ଲାଇବା ପାଇଁ ସ୍ଥାନୀୟ ଅଞ୍ଚଳବାସୀ ଚେତାବନୀ ଦେଇଛନ୍ତି।