ଭୁବନେଶ୍ୱର( ବଡ଼ ଖବର ବ୍ୟୁରୋ): ଓଲିଉଡ ଫିଲ୍ମ ଓ ଆଲବମ୍ ଜଗତର ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ଜଲାଲ ଆଦେନୀଙ୍କ ୮୫ ବର୍ଷ ବୟସରେ ଦେହାନ୍ତ ହୋଇଯାଇଛି। ହୃଦଘାତ ହେତୁ କଟକ ସ୍ଥିତ ବାସଭବନରେ ତାଙ୍କର ଦେହାନ୍ତ ହୋଇଯାଇଛି। ସେ ଏକ ଧାରାରେ ଜଣେ ପ୍ରୟୋଜକ, ଚଳଚ୍ଚିତ୍ର ନିର୍ଦ୍ଦେଶକ, ସଙ୍ଗୀତ ନିର୍ଦ୍ଦେଶକ, କଣ୍ଠଶିଳ୍ପୀ, ଗୀତିକାର ତଥା ଅଭିନେତା ଥିଲେ। ଓଡ଼ିଆ ଚଳଚିତ୍ର ‘ଅନୁତାପ’ ସହ ଅନେକ ଓଡ଼ିଆ ହିଟ୍ ଫିଲ୍ମର ସଙ୍ଗୀତ ନିର୍ଦ୍ଦେଶନା ଦେଇଥିଲେ ଜଲାଲ ।
ନିଦ ଭରା ରାତି ମଧୁଝରା ପ୍ରୀତି,ନୂପୁର କାହିଁକି ଆଜି ବାନ୍ଧିଲି, ମୁଁ ତୁମକୁ ଭଲ ପାଏ, ରୁଷିଛି ଅଭିମାନିନୀ ଭଳି ଅନେକ ଲୋକପ୍ରିୟ ଗୀତର ସେ ଥିଲେ ସଂଗୀତ ନିର୍ଦ୍ଦେଶକ । ୧୯୭୬ ମସିହାର ‘ହୀରା ମୋତି ମାଣିକ’ ଥିଲା ତାଙ୍କର ସବୁଠୁ ଚର୍ଚ୍ଚିତ ଫିଲ୍ମ । ସ୍ୱର୍ଗତ ଆଦେନୀଙ୍କ ପରଲୋକ ନେଇ ତାଙ୍କ ପରିବାର ପକ୍ଷରୁ ସୂଚନା ମିଳିଛି।
