ନିଆଁରେ ପୋଡି ମହିଳା ଗୁରୁତର

ତେଲକୋଇ(ବଡ଼ ଖବର ବ୍ୟୁରୋ): ତେଲକୋଇ ରେଞ୍ଜ କରଦାଙ୍ଗି ଗାଁ ଧାନଜମିରେ ଥିବା ମଞ୍ଚରେ ଲାଗିଥିଲା ନିଆଁ । ନିଆଁରେ ପୋଡିହୋଇ ମହିଳା ଗୁରୁତର ହୋଇଛନ୍ତି । ଗୁରୁତର ମହିଳାଙ୍କ ନାମ ମୁଖିଆଣି ନାୟକ । ଗତକାଲି ରାତିରେ ମୁଖିଆଣି ଓ ତାଙ୍କ ସ୍ୱାମୀ ବନ୍ୟଜନ୍ତୁଙ୍କ କବଳରୁ ଫସଲକୁ ରକ୍ଷା କରିବା ପାଇଁ ମଞ୍ଚା ରେ ଶୋଇଥିଲେ । ଶୀତରୁ ରକ୍ଷା ପାଇବା ପାଇଁ ନିଆଁ ଲଗାଇଥିଲେ । ବିଳମ୍ବିତ ରାତିରେ ମୁଖିଆଣି ନିଆଁ ପାଖରେ ଶୋଇଥିଲେ । ଅଜାଣାତରେ ତାଙ୍କ ଶାଢୀରେ ନିଆଁ ଲାଗିଯାଇଥିଲା । ତାଙ୍କ ଶରୀରର ୮୦ଭାଗ ପୋଡି ଯାଇଥିଲା । ସଙ୍ଗେ ସଙ୍ଗେ ତାଙ୍କୁ ତେଲକୋଇ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ଗୁରୁତର ହେବାରୁ ତାଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଯାଇଥିଲା ।