ଯୌତୁକ ପାଇଁ ବଧୁ ହତ୍ୟା

ବାଲେଶ୍ୱର(ବଡଖବରବ୍ୟୁରୋ): ବାଲେଶ୍ୱର ଜିଲ୍ଲା ବସ୍ତା ଥାନା ଅନ୍ତର୍ଗତ ମୁଳିନ୍ଦା ଗ୍ରାମରେ ଘଟିଛି ଏକ ଅଭାବନୀୟ ଘଟଣା । ସୂଚନାନୁଯାୟୀ ବସ୍ତା ଥ।।ନା ଅନ୍ତର୍ଗତ ନାଇଗୁଡି ଗ୍ରାମର ଦେବେନ୍ଦ୍ର ଦାସଙ୍କ ଝିଅ ରାଜଶ୍ରୀଙ୍କ ସହିତ ମୁଳିନ୍ଦା ଗ୍ରାମର ଜଗଦୀଶ ଦାସଙ୍କ ଦୁଇବର୍ଷ ପୂର୍ବେ ବିବାହ ହୋଇଥିଲା । କିନ୍ତୁ ବାହାଘର ପରେ ଶାଶୁଘର ଲୋକେ ଅଧିକ ଯୌତୁକ ଦାବି କରି ରାଜଶ୍ରୀଙ୍କୁ ଶାରୀରିକ ଓ ମାନସିକ ନିର୍ଯାତନା ଦେଉଥିଲେ ବୋଲି ରାଜଶ୍ରୀଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଗତକାଲି ରାଜଶ୍ରୀଙ୍କ ଶାଶୁଘର ଲୋକେ ଶୋଇବା ଘରୁ ତାଙ୍କ ମୃତଦେହକୁ ଉଦ୍ଧାର କରି ହସ୍ପିଟାଲକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହି ଖବର ଶୁଣି ରାଜଶ୍ରୀଙ୍କ ବାପଘର ଲୋକେ ଡାକ୍ତରଖାନାରେ ପହଞ୍ଚିବା ପରେ ସେଠାରେ ଉତ୍ତେଜନା ଦେଖାଦେଇଥିଲା । ତାଙ୍କୁ ହତ୍ୟା କରାଯାଇ ଆତ୍ମହତ୍ୟାର ରୂପ ଦିଆଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଏ ନେଇ ଗତକାଲିଠାରୁ ଥାନାରେ ଅଭିଯୋଗ ହୋଇଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରିବାରୁ ରାଜଶ୍ରୀଙ୍କ ପରିବାର ଲୋକେ ଶବକୁ କାନ୍ଧରେ ବୋହି ବୋହି ୩ କିଲୋମିଟର ଚାଲି ଚାଲି ଆସି ବସ୍ତା ଥାନା ସମ୍ମୁଖରେ ଧାରଣା ଦେଇଥିଲେ ।