ନୂଆଦିଲ୍ଲୀ(ବଡ଼ ଖବର ବ୍ୟୁରୋ):ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ତୃତୀୟ ମ୍ୟାଚ୍ ମଧ୍ୟପ୍ରଦେଶର ଇନ୍ଦୋରରେ ଖେଳାଯିବ। ଉଭୟ ଦଳ ଏହି ମ୍ୟାଚ୍ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି। ଏହାଭିତରେ ଟିମ ଏବେ ଇନ୍ଦୋରରେ ମଧ୍ୟ ପହଞ୍ଚିଛନ୍ତି। ଏହି ସିରିଜରେ ଭାରତୀୟ ଦଳର ପ୍ରଦର୍ଶନ ଅତ୍ୟନ୍ତ ଭଲ କିନ୍ତୁ ଓପନର୍ କେ.ଏଲ୍ ରାହୁଲ ଏପର୍ଯ୍ୟନ୍ତ କିଛି ବିଶେଷ ପ୍ରଦର୍ଶନ କରିପାରିନାହାଁନ୍ତି। ଏଭଳି ପରିସ୍ଥିତିରେ ମ୍ୟାଚ୍ ପୂର୍ବରୁ ସେ ନିଜ ପତ୍ନୀ ଆଥିଆଙ୍କ ସହ ଉଜୈନର ବାବା ମହାକାଳଙ୍କ ମନ୍ଦିରରେ ପହଞ୍ଚି ଆଶୀର୍ବାଦ ନେଇଛନ୍ତି । ଇଣ୍ଡିଆ ଦଳର ଷ୍ଟାର ଖେଳାଳି କେ.ଏଲ୍ ରାହୁଲ ଏବଂ ଆଥିଆ ଶେଟ୍ଟି ରବିବାର ସକାଳେ ମହାକାଳଙ୍କ ଦ୍ୱାରସ୍ଥ ହୋଇଥିଲେ। ଦୁହେଁ ମିଶି ମହାକାଳଙ୍କ ଆରତୀ କରିଥିଲେ । ଯାହାର ଭିଡିଓ ଏବେ ସାମ୍ନାକୁ ଆସିଛି ।
महाकाल की शरण में पहुंचे केएल राहुल-अथिया शेट्टी, भस्म आरती कर लिया भोलेनाथ का आशीर्वाद#Mahakaleshwar #KLRahul #AthiyaShetty pic.twitter.com/kEREUBiZmL
— News24 (@news24tvchannel) February 26, 2023
ଯେଉଁଥିରେ ଉଭୟ ଆରତୀରେ ଅଂଶଗ୍ରହଣ କରୁଥିବା ଦେଖିବାକୁ ମିଳିଛି । ସୂଚନାମୁତାବକ ଓପନର୍ କେ.ଏଲ୍ ରାହୁଲ ଆଜିକାଲି ଖରାପ ଫର୍ମ ସହିତ ସଂଘର୍ଷ କରୁଛନ୍ତି। ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ଉଭୟ ଟେଷ୍ଟ ମ୍ୟାଚରେ ସେ ଖାସ ପ୍ରଦର୍ଶନ କରିନାହାନ୍ତି। ଏହି କାରଣରୁ ତାଙ୍କୁ ଉପ-ଅଧିନାୟକତା ମଧ୍ୟ ହରାଇବାକୁ ପଡିଲା। ଏଥି ସହିତ ରାହୁଲଙ୍କ ତୃତୀୟ ଟେଷ୍ଟରେ ଖେଳିବା ଉପରେ ସନ୍ଦେହ ରହିଛି। ଯଦି ସେ ଏକ ସୁଯୋଗ ପାଆନ୍ତି, ତେବେ ତାଙ୍କ ପାଇଁ କିଛି ବିଶେଷ କାର୍ଯ୍ୟ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
