ପ୍ରଥମ ଟ୍ରାନ୍ସଜେଣ୍ଡର ଆଙ୍କରଙ୍କୁ ଗୁଳିମାଡ଼

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାକିସ୍ତାନର ପ୍ରଥମ ଟ୍ରାନ୍ସଜେଣ୍ଡର ଆଙ୍କରଙ୍କୁ ହୋଇଛି ଗୁଳିମାଡ । ପାକିସ୍ତାନର ପ୍ରଥମ ଟ୍ରାନ୍ସଜେଣ୍ଡର ନ୍ୟୁଜ୍ ଆଙ୍କର୍ ମାର୍ଭିଆ ମଲିକଙ୍କୁ ଗୁଳିମାଡ ହୋଇଥିବା ଅଭିଯୋଗ ହୋଇଛି । ଶୁକ୍ରବାର ଦିନ ତାଙ୍କ ବାସଭବନ ବାହାରେ ଅଜ୍ଞାତ ଆକ୍ରମଣକାରୀଙ୍କ ତାଙ୍କୁ ମାଡ଼ କରିଥଲେ । ଯାହା ସ୍ଥାନୀୟ ଗଣମାଧ୍ୟମରେ ପ୍ରକାଶ ପାଇଛି ।

ମଲିକ ପୋଲିସକୁ କହିଛନ୍ତି ଯେ ପାକିସ୍ତାନର ଟ୍ରାନ୍ସଜେଣ୍ଡର ସମ୍ପ୍ରଦାୟ ପାଇଁ ସ୍ୱର ଉତ୍ତୋଳନ କରିବା ପାଇଁ ତାଙ୍କୁ ଧମକପୂର୍ଣ୍ଣ କଲ ଆସୁଥିଲା। ଏଥିପାଇଁ ଆକ୍ରମଣ ହୋଇଥାଏ ପାରେ ବୋଲି ସେ କହିଛନ୍ତି। । ୨୦୧୮ ରେ ପ୍ରଥମ ଏକ ନ୍ୟୁଜ୍ ଆଙ୍କର୍ ହୋଇ ଇତିହାସ ସୃଷ୍ଟି କରିଥିଲେ । ପାକିସ୍ତାନ ଫ୍ୟାଶନ ଡିଜାଇନ କାଉନସିଲ ଦ୍ୱାରା ପ୍ରତିବର୍ଷ ଆୟୋଜିତ ଏକ ପ୍ରମୁଖ ଫ୍ୟାଶନ ସୋରେ ପ୍ରଥମ ଟ୍ରାନ୍ସଜେଣ୍ଡର ମଡେଲ ହେବାର କିଛି ଦିନ ପରେ ସେ ପାକିସ୍ତାନର କୋହିନୋର ଟିଭିରେ ଡେବ୍ୟୁ କରିଥିଲେ।