ବିପୁଳ ମଦ ଜବତ

କୋରୁକୋଣ୍ଡା (ବଡ଼ ଖବର ବ୍ୟୁରୋ): ବେଆଇନ ମଦ ଭାଟିରେ ଚଢାଉ । ମାଲକାନଗିରି ଜିଲ୍ଲା କୋରୁକୋଣ୍ଡା ବ୍ଲକ ବାଲିମେଳା ଅବକାରୀ ବିଭାଗ ଓ ପୋଲିସ ପକ୍ଷରୁ ବିଭିନ୍ନ ବେଆଇନ ମଦଭାଟିରେ ଚଢାଉ କରି ବିପୁଳ ମଦ ଓ ପୋଚ ଜବତ କରାଯାଇଛି । ମାଲକାନଗିରି ଅବକାରୀ ସୁପରିଟେଣ୍ଡଣ୍ଟଙ୍କ ନିର୍ଦ୍ଦେଶକ୍ରମେ ବାଲିମେଳା ଅବକାରୀ ଅଧିକାରୀ ଏଚ ଜଗା ରାଓ, ଓର୍କେଲ ଥାନା ଅଧିକାରୀ ସୌମେନ୍ଦୁ ଶେଖର ତ୍ରିପାଠୀଙ୍କ ନେତୃତ୍ୱରେ ଏହି ଚଢାଉ କରାଯାଇଥିଲା । ବାଲିମେଳା ସହତ, ସଲୁରକୋଣ୍ଡା, ଡାଇକ ୩ ଓ ଉର୍ମାଗୁଡ଼ା ଅଞ୍ଚଳରେ ଥିବା ବିଭିନ୍ନ ବେଆଇନ ମଦ ଭାଟିରେ ଚଢଉ କରାଯାଇଥିଲା । ଏଥିରେ ୨ହଜାର ୫ଶହ କେଜି ମହୁଲ ପୋଚ ଓ ୧୫ଶହ ଲିଟର ମଦ ଜବତ କରି ନଷ୍ଟ କରିବା ସହ ୫ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ହେଲେ ମୁକେ ମାଡକାମୀ, ଲକ୍ଷ୍ମଣ ଗଲରି, ଘାସିରାମ ପାଙ୍ଗି, ଦୁଲା କବାସୀ ଓ ଗଙ୍ଗା ମାଡକାମି । ଏନେଇ ଓର୍କେଲ ଥାନାରେ ୨ଟି ଓ ବାଲିମେଳା ଅବକାରୀ ଥାନାରେ ୪ଟି ମାମଲା ରୁଜୁ କରାଯାଇଛି ବୋଲି ଜିଲ୍ଲା ଅବକାରୀ ଅଧୀକ୍ଷକ ଅଶୋକ କୁମାର ସେଠ ସୂଚନା ଦେଇଛନ୍ତି ।