ନକ୍ସଲମାନଙ୍କର କାଳ ଲେଡି କୋବ୍ରା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଏବେ ନକ୍ସଲ ମାନଙ୍କର କାଳ ବନିବେ ଲେଡି କୋବ୍ରା କମାଣ୍ଡ । ଜଙ୍ଗଲରେ ଲୁଚି ବସିଥିବା ନକ୍ସଲ ମାନଙ୍କର ନିପାତ ପାଇଁ ନିୟୋଜିତ କରାଯିବ ଲେଡି କୋବ୍ରା ୟୁନିଟ । ଏହି ଅପରେସନ ପାଇଁ ପୂର୍ବରୁ ସିଆରପିଏଫ ପକ୍ଷରୁ କୋବ୍ରା ୟୁନିଟ ନିୟୋଜିତ କରାଯାଇଥିଲା ।

କିନ୍ତୁ ପ୍ରଥମ ଥର ପାଇଁ ନକ୍ସଲମାନଙ୍କ ସହ ମୁକାବିଲା କରିବା ପାଇଁ ମହିଳା ମାନଙ୍କୁ ଟ୍ରେନିଂ ଦିଆଯାଉଛି । ଲେଡି କୋବ୍ରା ମାନଙ୍କର ଛୋଟ ଛୋଟ ଟିମ ବନାଯାଇ ଅଲଗା ଅଲଗା ରାଜ୍ୟରେ ନିୟୋଜିତ କରାଯିବ ।

ଗୁରୁଗ୍ରାମର ସିଆରପିଏଫ ଏକାଡେମିରେ ଏହି ଟ୍ରେନିଂ ଚାଲିଛି । ଟ୍ରେନିଂ ଶେଷ ହେବା ପରେ ଛତିଶଗଡ, ଝାରଖଣ୍ଡ, ମହାରାଷ୍ଟ୍ର ଓ ଓଡିଶା ଭଳି ନକ୍ସଲ ପ୍ରଭାବିତ ଅଂଚଳରେ ଏମାନଙ୍କୁ ନିୟୋଜିତ କରାଯିବ ।