ହ୍ରାସ ପାଉଛି କରୋନା ମୃତ୍ୟୁ ସଂଖ୍ୟା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଧୀରେ ଧୀରେ ନିୟନ୍ତ୍ରଣ ହେବାରେ ଲାଗିଛି କରୋନା । ମହାମାରୀରେ ପ୍ରଥମରୁ ଯେଉଁ ପରିମାଣରେ ମୃତ୍ୟୁ ହେଉଥିଲା ଏବେ ସାମାନ୍ୟ ହ୍ରାସ ପାଇବାରେ ଲାଗିଛି । ମଙ୍ଗଳବାର ୧୧୨୪ ଜଣଙ୍କ ମୃତ୍ୟୁ ହୋଇଥିବା ବେଳେ ବୁଧବାର ୯୮୬ ଜଣଙ୍କ ମୁଣ୍ଡ ଗଡ଼ିଥିଲା । ପୂର୍ବ ଦୁଇଦିନ ତୁଳନାରେ ଆଜି କମିଛି କରୋନାଜନିତ ମୃତ୍ୟୁ ସଂଖ୍ୟା । ୨୪ ଘଣ୍ଟା ମଧ୍ୟରେ ୯୭୧ ଜଣଙ୍କ ମୃତ୍ୟୁ ହୋଇଥିବା ସୂଚନା ଦେଇଛି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଦେଶରେ କରୋନାଜନିତ ମୃତ୍ୟୁ ସଂଖ୍ୟା ୧ଲକ୍ଷ ୫ହଜାର ୫୨୬କୁ ବୃଦ୍ଧି ପାଇଛି ।

ଦିନକରେ ୭୮,୫୨୪ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୬୮,୩୫୬୫୬ ରହିଛି । ଆକ୍ଟିଭ କେସ୍ ୯,୦୨୪୨୫ ଥିବାବେଳେ ସେଥିମଧ୍ୟରୁ ୫୮,୨୬୭୦୫ଜଣ ସୁସ୍ଥ ହୋଇଛନ୍ତି ।