ବଞ୍ଚିବାର ରାହା ଦେଖାଉଛି ଲେମନ ଗ୍ରାସ

ସୁବର୍ଣ୍ଣପୁର (ବଡ଼ ଖବର ବ୍ୟୁରୋ): ମହିଳାଙ୍କୁ ରୋଜଗାର ବାଟ ଦେଖାଇଲା ଲେମନ ଗ୍ରାସ । ସୁବର୍ଣ୍ଣପୁର ଜିଲ୍ଲା ଲକର୍ମା ଗାଁରେ ସ୍ଥାପନ ହୋଇଛି ଲେମନ ଗ୍ରାସ ପ୍ରୋସେସିଂ ୟୁନିଟ । ପ୍ରସ୍ତୁତ ଚାଲିଛି ତେଲ । ଜିଲ୍ଲାପାଳ ମୋଚିଷା ବାନାର୍ଜୀ ଏହି ପ୍ରୋସେସିଂ ୟୁନିଟର ଶୁଭାରମ୍ଭ କରିଛନ୍ତି । ତେଲ ଉତ୍ପାଦନ କରି ୨ ପଇସା ରୋଜଗାର କରିବାର ଆଶା ବାନ୍ଧିଛନ୍ତି ମହିଳାମାନେ । ଗାଁରେ ଥିବା ପଡିଆ ଜମିରେ ଲେମନ ଗ୍ରାସ ଚାଷ ପରେ ସେଥିରୁ ପ୍ରସ୍ତୁତ ହେଉଛି ତେଲ । ଉତ୍ପାଦନ ହେଉଥିବା ତେଲ କିଣିବାକୁ ଗୋଟିଏ କମ୍ପାନୀ ସହ ଚୁକ୍ତି ହୋଇଛି । ସିଧାସଳଖ କମ୍ପାନୀ ଏହିଠୁ ତେଲ କିଣିବ । ଲିଟର ପିଛା ୧ ହଜାର ଟଙ୍କାରେ ତେଲ ବିକି ମହିଳାମାନେ ଲାଭବାନ ହୋଇପାରିବେ ବୋଲି ଜିଲ୍ଲାପାଳ କହିଛନ୍ତି ।