ଲାଇନଚ୍ୟୁତ ହେଲା ମାଲବାହୀ ଟ୍ରେନ

ବଡବିଲ(ବଡ଼ ଖବର ବ୍ୟୁରୋ):ବଡବିଲ ରଶ୍ମି ମେଟାଲିକ୍ସରେଲୱେ ସାଇଡିଂକୁ ପ୍ରବେଶ ବେଳେ ଲାଇନଚ୍ୟୁତ ହେଲା ମାଲବାହୀ ଟ୍ରେନ । ବୁଧବାର ରାତି ପ୍ରାୟ ୯ଟା ସମୟରେ ଏହି ଘଟଣା ଘଟିଥିଲା । ଆଇରନ ଓର ବୋଝେଇ ମାଲବାହୀ ଟ୍ରେନଟି ବଡଜାମଦା ଷ୍ଟେସନ ପାରି ହେବାପରେ ନାଳଦା ଲେବୁଲ କ୍ରସିଂ ଦେଇ ରଶ୍ମି ମେଟାଲିକ୍ସ ରେଲୱେ ସାଇଡିଂକୁ ପ୍ରବେଶ କରୁଥିଲା ।

ଟ୍ରେନଟି ରେଲୱେର ମୁଖ୍ୟ ଟ୍ରାକ ଛାଡିବା ପରେ ରଶ୍ମି ସାଇଡିଂର ଟ୍ରାକ ଧରି କିଛିବାଟ ଯାଇ ଟ୍ରାକରୁ ଇଞ୍ଜିନ ଡି ରେଲ ହୋଇଯାଇଥିଲା । ଫଳରେ ୱାଗନ ଗୁଡିକ ନାଲଦା ଲେବୁଲ କ୍ରସିଂ ଉପରେ ଦୀର୍ଘ ସମୟ ଧରି ଅଟକି ରହିଥିଲା । ପରେ ୱାଗନ ଗୁଡିକୁ ଇଞ୍ଜିନରୁ ଅଲଗା କରି ଫେରାଇ ନିଆଯାଇଥିଲା । ଅନେକ ସମୟଧରି ଘଟଣାସ୍ଥଳରେ ରେଲୱେର କୌଣସି ବରିଷ୍ଠ ଅଧିକାରୀ ପହଞ୍ଚିନଥିଲେ ।