ଉତ୍ତରପ୍ରଦେଶରେ ବଢ଼ିଲା ଲକଡାଉନ ଅବଧି

ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ବଢ଼ୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଉତ୍ତରପ୍ରଦେଶରେ ବୃଦ୍ଧି ହେଲା ଲକଡାଉନ ଅବଧି । ମେ ୧୭ ତାରିଖ ପର୍ଯ୍ୟନ୍ତ ଉତ୍ତରପ୍ରଦେଶ ଲକଡାଉନକୁ ବୃଦ୍ଧି କରାଯାଇଛି । ଏ ବାବଦରେ ଉତ୍ତରପ୍ରଦେଶର ଏସିଏସ ଇନଫର୍ମେସ ନବନୀତ ସେହଗଲ ଟ୍ୱିଟ କରି ସୂଚନା ଦେଇଛନ୍ତି ।

ଉତ୍ତରପ୍ରଦେଶରେ ଜାରି ହୋଇଥିବା କର୍ଫ୍ୟୁ ଆସନ୍ତା ୧୭ ତାରିଖ ପର୍ଯ୍ୟନ୍ତ ବଳବତ୍ତର ରହିବ । ଆଗରୁ ଉତ୍ତରପ୍ରଦେଶ ଏପ୍ରିଲ ୨୭ପର୍ଯ୍ୟନ୍ତ ଆଂଶିକ କର୍ଫ୍ୟୁ ଜାରି କରିଥିଲା । ପରେ ଏହାର ସମୟସୀମା ମେ ୧୦ ତାରିଖକୁ ବୃଦ୍ଧି କରାଯାଇଥିଲା । ଆଜି ଏହାକୁ ଆଉ ଏକ ସପ୍ତାହ ପର୍ଯ୍ୟନ୍ତ ବଢ଼ାଇ ଦିଆଯାଇଛି ।