ଜମ୍ମୁ-କଶ୍ମୀରରେ ବଡଧରଣର ଆତଙ୍କୀ ହମଲା, ୫ ଯବାନ ସହିଦ
(ବଡ଼ ଖବର ବ୍ୟୁରୋ): ପୁଣିଥରେ ଜମ୍ମୁ-କଶ୍ମୀରରେ ଏକ ବଡଧରଣର ହମଲା ହୋଇଛି । ଆଜି ଆତଙ୍କବାଦୀମାନେ କରିଥିବା ଆକ୍ରମଣରେ ୫ଜଣ ଯବାନ ନିହତ ହୋଇଥିବା ଜଣାପଡିଛି । ଜମ୍ମୁ-କାଶ୍ମୀରର ପୁଞ୍ଜ ସେକ୍ଟରରେ ଏପରି ଘଟଣା ଘଟିଛି । ଏବେ ବି ସେଠାରେ ଏଭଳି ଆତଙ୍କୀ ହମଲା ଜାରି ରହିଛି । ହମଲା ସମୟରେ କେତେ ଜଣ ଯବାନ ନିହତ ହୋଇଛନ୍ତି ତାହାର ସମ୍ପୂର୍ଣ୍ଣ ତଥ୍ୟ ମିଳିନାହିଁ ।
ସୂଚନା ଅନୁଯାୟୀ, ଆଜି ଭୋର ସମୟରୁ ବାନ୍ଦିପୋର ଓ ଅନନ୍ତନାଗରେ ଏନକାଉଣ୍ଟର ହୋଇଥିଲେ । ଏହା ସହ ପୁଞ୍ଜିରେ ମଧ୍ୟ ଆତଙ୍କୀ ବିରୋଧୀ ଅଭିଜାନ ଆରମ୍ଭ ହୋଇଥିଲେ । ସେମାନଙ୍କ ଉପରକୁ ଆତଙ୍କବାଦୀ ଗୁଳିମାଡ କରିବା ଆରମ୍ଭ କରିଥିଲେ । ଆତଙ୍କବାଦୀଙ୍କ ଗୁଳି ମାଡରେ ଜଣେ ଜେସିଓଙ୍କ ସମେତ ୫ଜଣ ଆହତ ହୋଇଥିଲେ । ପରେ ସେମାନଙ୍କୁ ଏୟାରଲିଫ୍ଟ କରାଯାଇଥିଲା ହେଲେ ସମସ୍ତେ ସହିଦ ହୋଇଥିବା ନ୍ୟୁଜ ଏଜେନ୍ସି ଏଏନଆଇ ପକ୍ଷରୁ ଟ୍ୱିଟ କରି କୁହାଯାଇଛି ।
#Correction: The JCO & four soldiers have lost their lives during a counter-terror operation in Poonch* sector in J&K, say Sources
— ANI (@ANI) October 11, 2021
ମିଳିଥିବା ସୂଚନା ଅନୁଯାୟୀ, ଆଜି ଭୋର ସମୟରେ ବାନ୍ଦିପୋର ଅନ୍ତର୍ଗତ ହାଜିନ ସ୍ଥିତ ଗୁଣ୍ଡଜାହାଙ୍ଗିରରେ ଆତଙ୍କବାଦୀ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ଜଣେ ଆତଙ୍କୀ ନିହତ ହୋଇଥିଲା । ନିହତ ଆତଙ୍କୀ ଜଣଙ୍କ ଇମତିଆଜ ଦାର । ସେ ଲସ୍କର-ଇ-ତାଏବା ଦ୍ୱାରା ପରିଚାଳିତ ଦି ରେଜିଷ୍ଟାନ୍ସ ଫ୍ରଣ୍ଟର ସଦସ୍ୟ । ଏହି ଆତଙ୍କୀ ହମଲାରେ ସେ ସାମିଲ ଥିଲେ ।
