ଭୁବନେଶ୍ୱର (ବଡ଼ ଖବର ବ୍ୟୁରୋ): ମେ ୩ରୁ ଆରମ୍ଭ ହେବ ମାଟ୍ରିକ ପରୀକ୍ଷା । ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ବାର୍ଷିକ ହାଇସ୍କୁଲ ସାର୍ଟିଫିକେଟ ପରୀକ୍ଷା ମେ ୩ରୁ ଆରମ୍ଭ ହୋଇ ମେ ୧୫ରେ ଶେଷ ହେବ । ସେହିପରି ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ ପରୀକ୍ଷା ମେ ୩ରୁ ଆରମ୍ଭ ହୋଇ ମେ ୧୨ ତାରିଖରେ ଶେଷ ହେବାକୁ ଥିବା ବେଳେ ମଧ୍ୟମ ପରୀକ୍ଷା ଆସନ୍ତା ମେ ୩ରୁ ଆରମ୍ଭ ହୋଇ ମେ ୧୨ରେ ଶେଷ ହେବ ।
କରୋନା ପାଇଁ ଚଳିତ ବର୍ଷ ପରୀକ୍ଷା ଶୈଳୀରେ ବହୁ ପରିବର୍ତ୍ତନ କରାଯାଇଛି । ପ୍ରତି ବିଷୟରେ ମୋଟ ୮୦ ନମ୍ବର ପରୀକ୍ଷା ହେବାକୁ ହେବ । ପରୀକ୍ଷା ସମୟ ୨ ଘଣ୍ଟା ଥିବା ବେଳେ ମେ ରେ ଗ୍ରୀଷ୍ମ ଋତୁ ପାଇଁ ପରୀକ୍ଷା ସକାଳ ୭ଟାରୁ ଆରମ୍ଭ ହେବ ବୋଲି ସୂଚନା ମିଳିଛି । ପୂର୍ବ ବର୍ଷ ଭଳି ପରୀକ୍ଷା କେନ୍ଦ୍ରରେ ମଧ୍ୟ ପରିବର୍ତ୍ତନ କରାଯାଇନାହିଁ । ପରୀକ୍ଷାର୍ଥୀମାନେ ନିଜ ନିଜ ବିଦ୍ୟାଳୟରେ ପରୀକ୍ଷା ଦେବେ ।
