ମୋଦୀ ଚାହିଁଲେ ଯୁଦ୍ଧ ରୋକି ପାରିବେ: ବାଇଡେନ

ନୂଆଦିଲ୍ଲୀ(ବଡ଼ ଖବେ ବ୍ୟୁରୋ): ଜାରି ରହିଛି ଋୁଷ-ୟୁକ୍ରେନ ଯୁଦ୍ଧ । ଯୁଦ୍ଧକୁ ଦୀର୍ଘ ଏକ ବର୍ଷ ହୋଇଗଲାଣି ତଥାପି ଯୁଦ୍ଧରେ ଲାଗୁନି ବ୍ରେକ୍ । ୟୁକ୍ରେନର ପ୍ରାୟ ସବୁ ସହରକୁ ଧ୍ୱଂସ କରିସାରିଲାଣି ଋଷ । ଯୁଦ୍ଧରେ ଅନେକ ଜନସାଧାରଣ ଏବଂ ଉଭୟ ପକ୍ଷର ଯବାନଙ୍କ ଜୀବନ ଗଲାଣି । ତଥାବି ଯୁଦ୍ଧ ଥମିବାର ନାଁ ନେଉନି । ଏହାରି ଭିତରେ ଆମେରିକାର ରାଷ୍ଟ୍ରପତି ବଡ଼ ବୟାନ ଦେଇଛନ୍ତି । ସେ କହିଛି ପ୍ରଧାନମନ୍ତ୍ରୀ ମୋଦି ଚାହିଁଲେ ଏହି ଯୁଦ୍ଧକୁ ବନ୍ଦ ପାଇଁ ପୁଟିନଙ୍କ ସହ କଥା ହୋଇପାରିବେ । ମୋଦି ଚାହିଁଲେ ପୁଟିନଙ୍କୁ ବୁଝାଇପାରିବେ ।

ଯୁଦ୍ଧକୁ ରୋକିବା ପାଇଁ ପ୍ରଧାନମନ୍ତ୍ରୀ ମୋଦି ପୁଟିନକୁ ବୁଝାଇବା ଉଚିତ କି? ହ୍ୱାଇଟ୍ ହାଉସ୍ ପ୍ରବକ୍ତା କହିଲେ, ଆମେରିକା ଏପରି ସମସ୍ତ ପ୍ରୟାସକୁ ଆମେରିକା ସମର୍ଥନ କରିବ । ଯେଉଁଥିରେ ଋଷ-ୟୁକ୍ରେନ୍ ଯୁଦ୍ଧ ବନ୍ଦ ହୋଇପାରିବ । ସେ ଆହୁରି ମଧ୍ୟ କହିଛନ୍ତି କି ଯୁଦ୍ଧକୁ ରୋକିବା ପାଇଁ ପୁଟିନଙ୍କ ପାଖରେ ଏବେବି ସମୟ ଅଛି । ପ୍ରଧାନମନ୍ତ୍ରୀ ମୋଦି ପୁଟିନଙ୍କୁ ବୁଝାଇପାରିବେ । ଯଦି ଏପରି ହୁଏ ତେବେ ଆମେରିକା ଭାରତର ପ୍ରୟାସକୁ ସ୍ୱାଗତ କରିବ । ୟୁକ୍ରେନରେ ଲୋକଙ୍କର ଯାହାବି ଅବସ୍ଥା ହୋଇଛି ସେଥିପାଇଁ ପୁଟିନ ହିଁ ଦାୟୀ । ତେଣୁ ପୁଟିନ୍ ଚାହିଁଲେ ଏବେ ଯୁଦ୍ଧକୁ ରୋକିପାରିବେ ।