ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମୋହନ ଭାଗବତଙ୍କ ବୟାନଙ୍କୁ ନେଇ ସାରା ଦେଶରେ ଚର୍ଚ୍ଚା । ତାଙ୍କ ବୟାନ ଉପରେ ଅଯୋଧ୍ୟା ରାମଜନ୍ମଭୂମିର ମନ୍ଦିରର ମୁଖ୍ୟ ପୂଜାରୀ ଆଚାର୍ୟ୍ୟ ସତ୍ୟେନ୍ଦ୍ର ଦାସ ସିଧା ସଳଖ କହିଛନ୍ତି, ମୋହନ ଭାଗବତ ତାଙ୍କ ଜୀବନ କାଳରେ କେବେ ଗୀତା ପଢିନାହାଁନ୍ତି । ଯଦି ସେ ଗୀତା ପଢିଥାନ୍ତେ ତେବେ ସେ କେବେ ବି ଏଭଳି ବୟାନ ଦେଇ ନଥାନ୍ତେ । ସେ ଯୁକ୍ତି ବାଢିଛନ୍ତି କି ଚାରି ବର୍ଣ୍ଣର ବିଭାଜନ ନିଜେ ଭଗବାନ ଶ୍ରୀକୃଷ୍ଣ କରିଥିଲେ । ଏଣୁ ଜାତି ବିଭାଜନ ବ୍ରାହ୍ମଣମାନେ କରିନାହାଁନ୍ତି ବୋଲି କହିଛନ୍ତି ସତ୍ୟେନ୍ଦ୍ର ଦାସ ।
ସାମାଜିକ ବ୍ୟବସ୍ଥାର ସଂଚାଳନ ପାଇଁ ନିଜେ ଭଗବାନ ସୃଷ୍ଟିକୁ କର୍ମ ଅନୁସାରେ ୪ବର୍ଣ୍ଣରେ ବିଭାଜନ କରିଥିଲେ । ଆଚାର୍ୟ୍ୟ ସତ୍ୟେନ୍ଦ୍ର ଦାସଙ୍କ କହିଛନ୍ତି, ଜାତି ଜାତି ମଧ୍ୟରେ ବିଭାଜନ ରାଜନୈତିକ ନେତାମାନେ ସେମାନଙ୍କ ଲାଭ ପାଇଁ କରିଛନ୍ତି । ବିଧାୟକ କିମ୍ବା ସାଂସଦ ପ୍ରାର୍ଥୀ ଚୟନ ବେଳେ ରାଜନୈତିକ ଦଳମାନେ ଦେଖନ୍ତି କି ଯେଉଁ ଜାତିର ଅଧିକ ଭୋଟର ଅଛନ୍ତି ସେହି ଜାତିର ଲୋକଙ୍କୁ ଟିକେଟ ଦେଲେ ଦଳ ଅଧିକ ଲାଭବାନ ହେବ ।
