Before Header

ଦୋଳରେ ଲାଗିଲା କଟକଣା

0 93

ଭୁବନେଶ୍ବର (ବଡ଼ ଖବର ବ୍ୟୁରୋ): କରୋନା ପୁଣି ମାଡିଆସିଲାଣି । ଚେକ୍ ଦେବା ଲାଗି ରାଜ୍ୟ ସରକାର ଜନସାଧାରଣଙ୍କ ସହଯୋଗ କାମନା କରିଛନ୍ତି । ଲୋକଙ୍କୁ ସଚେତନ କରାଯାଉଛି । ବଜାର ହାଟରେ ଅଯଥା ଭିଡ ନଜମାଇବା ପାଇଁ ଳୋକଙ୍କୁ ପରାମର୍ଶ ଦିଆଯାଉଛି । ସେହିପରି ଦୋଳରେ ଲାଗିଛି କଟକଣା । କରୋନାକୁ ଦୃଷ୍ଟିରେ ରଖି ଦୋଳଯାତ୍ରା ପାଇଁ ରାଜ୍ୟବ୍ୟାପୀ କଟକଣାକୁ ଆହୁରି କଡାକଡି କରାଯାଇଛି ।

ଦୋଳ ଯାତ୍ରା ସମୟରେ ବିମାନ ବହନ ପାଇଁ ସର୍ବାଧିକ ଛଅ ଜଣଙ୍କୁ ଅନୁମତି ଦିଆଯିବ । କୌଣସି ଶୋଭାଯାତ୍ରା ଓ ଧ୍ୱନି, ବାଦ୍ୟଯନ୍ତ୍ର ବଜାଯିବ ନାହିାଁ ପ୍ରତିମା ବହନ କରୁଥିବା ବ୍ୟକ୍ତିମାନେ ମୁହଁରେ ମାସ୍କ ପିନ୍ଧିବେ । ଦୋଳ ମେଲଣ ପଡିଆରେ ସର୍ବାଧିକ ୫୦ ରୁ ୬୦ ଜଣ ଉପସ୍ଥିତ ରହିପାରିବେ। ଦୁଇଜଣଙ୍କ ମଧ୍ୟରେ ଛଅ ଫୁଟ ସାମାଜିକ ଦୂରତା ବଜାୟ ରଖିବେ ।

ମାସ୍କ ପିନ୍ଧିବା ବାଧ୍ୟତାମୂଳକ । ମେଲଣ ପଡିଆରେ କୌଣସି ଯାତ୍ରା, ଅର୍କେଷ୍ଟ୍ରା, ମୀନା ବଜାର ହେବ ନାହିଁ । କରୋନା କଟକଣାକୁ ପାଳନ କରି ମନ୍ଦିର ଭିତରେ ଧାର୍ମିକ ରୀତିନୀତି କରାଯାଇପାରିବ । ମନ୍ଦିର ଭିତରେ କୌଣସି ଭକ୍ତଙ୍କୁ ପ୍ରବେଶ ଅନୁମତି ନାହିଁ। ସେହିପରି ହୋଲିରେ ମଧ୍ୟ କଟକଣା ଜାରି କରାଯାଇଛି । ଘରୁ ନବାହାରିବାକୁ ପରାମର୍ଶ ଦିଆଯାଇଛି । ଘର ଭିତରେ ରହି ହୋଲି ଖେଳିବାକୁ କୁହାଯାଇଛି ।

Leave A Reply

Your email address will not be published.