ନବ ଦାସଙ୍କ ରୋଷେୟା ଲଳିତ ସାହୁ ମୃତ୍ୟୁ ମାମଲା, ଆରମ୍ଭ ହେଲା ଖୋଳତାଡ଼

ଝାରସୁଗୁଡ଼ା (ବଡ଼ ଖବର ବ୍ୟୁରୋ): ନବ ଦାସଙ୍କ ରୋଷେୟା ଲଳିତ ସାହୁ ମୃତ୍ୟୁ ମାମଲାର ଖୋଲିଲା ଫାଇଲ । ଆରମ୍ଭ ହେଲା ଖୋଳତାଡ଼। ଏହି କେସରେ ଜଡିତ ଥିବା ବିଭିନ୍ନ ବ୍ୟକ୍ତିଙ୍କୁ ଝାରସୁଗୁଡା ଥାନାରେ ହାଜର ପାଇଁ ନୋଟିସ ହୋଇଛି । ଏନେଇ ସୂଚନା ଦେଇଛନ୍ତି ତଦନ୍ତ ଅଧିକାରୀ ରଞ୍ଜନ ବରିହା ।

ଗତକାଲି ଝାରସୁଗୁଡା ଥାନାରେ ହାଜର ହୋଇଥିଲେ ହେମ ସାଗର ନାଏକ । ହେମସାଗର ନବଦାସଙ୍କ ଘରେ ଗେଟ କିପର ଭାବେ କାର୍ଯ୍ୟ କରୁଛି। ହେମସାଗରକୁ ଝାରସୁଗୁଡା ଥାନାକୁ ଡକାଇ ପ୍ରାୟ ୬ ଘଣ୍ଟା ଜେରା କରିବା ପରେ ଛାଡିଲା ପୋଲିସ। ଲଲିତଙ୍କ ବାପା ବେଲାଲସେନ ସାହୁ ନ୍ୟାୟ ଦାବି କରି ପୁଲିସ୍କୁ ଚିଠି ଲେଖିବା ପରେ ଝାରସୁଗୁଡ଼ା ପୁଲିସ୍ ପକ୍ଷରୁ ପୁନଃ ତଦନ୍ତ ଆରମ୍ଭ ।