‘ପୋଲିସ ଭୟରେ ଗାଁ ଛାଡ଼ୁଛନ୍ତି ଲୋକେ’
ଭୁୁବନେଶ୍ୱର (ବଡ଼ ଖବର ବ୍ୟୁରୋ): ଶୂନ୍ୟକାଳରେ ନରସିଂହ ଉଠାଇଲେ ଆଦିବାସୀଙ୍କ ଉପରେ ପୋଲିସର ଅତ୍ୟାଚାର ପ୍ରସଙ୍ଗ । ଗୃହ କମିଟି ଦାବିରେ ଅଟଳ କଂଗ୍ରେସ । ବୋର୍ଡେନ ଗାଁରେ ଗୋଟେ ପଟେ ମାଓବାଦୀ ଭୟ ଅନ୍ୟପଟେ ପୋଲିସର ଅତ୍ୟାଚାର । ଭୟରେ ଗାଁ ଛାଡ଼ୁଛନ୍ତି ଲୋକେ । /୨୦୨୨ ଜୁନ୍ ୨୧ ରେ ନୂଆପଡା ଜିଲ୍ଲା ବୋର୍ଡେନରେ ମାଓବାଦୀ ତିନିଜଣ ସିଆରପିଏଫ ଯବାନଙ୍କୁ ହତ୍ୟା କରିଥିଲେ । ଏହି ଘଟଣାରେ ସାକ୍ଷୀ ପ୍ରମାଣ ଯୋଗାଡ଼ ନକରି ପୋଲିସ ବୋର୍ଡେନ ଗାଁର ଲୋକମାନଙ୍କୁ ଥାନାରେ ହଜାର ହେବାକୁ ନୋଟିସ ଦେଲା ।
ଥାନାରେ ହଜାର ହେବା ପରେ ସେମାନଙ୍କୁ ୫୦ ହଜାର ଟଙ୍କା ଅର୍ଥ ଲୋଭ ଦେଖାଯାଇଥିଲା । ତଥାପି ସେମାନେ ଘଟଣା ସମ୍ପର୍କରେ କିଛି ଜାଣି ନଥିବା କହିଥିଲେ । ଏହା ପରେ ବି ସେମାନଙ୍କୁ ପୁଣି ପଚାରାଉଚରା କରିବା ପାଇଁ ଏନଆଇଏ କଲିକତା ନେଇଥିଲେ । ସେଠି ମଧ୍ୟ ଅତ୍ୟାଚାର କରଯାଇଥିଲା । ଘଟଣା ସମ୍ପର୍କରେ ସେମାନେ କିଛି ଜାଣି ନଥିବା କହିବା ପରେ ବି ସେମାନଙ୍କୁ ଅତ୍ୟାଚାର କରାଯାଇଛି । ଯଦି ପୋଲିସ ଏଭଳି ଭାବରେ ନିରୀହ ଆଦିବାସୀଙ୍କ ଉପରେ ଅତ୍ୟାଚାର କରେ, ତାହାଲେ ମାଓବାଦୀ ଚିନ୍ତାଧାରାକୁ ଦମନ କରିବା ପାଇଁ ସରକାର ଯେଉଁ ଚିନ୍ତା କରୁଛନ୍ତି ତାହା ଫଳପ୍ରଦ ହେବ ନାହିଁ ।
ଗୋଟେ ପଟେ ମାଓବାଦୀ ଭୟ ଅନ୍ୟପଟେ ପୋଲିସର ଅତ୍ୟାଚାର । ଭୟରେ ଗାଁ ଛାଡ଼ୁଛନ୍ତି ଆଦିବାସୀ ଲୋକେ । ତେଣୁ ଏହାର ପ୍ରତିବାଦ କରାଯାଇଥିଲେ ବି ଓଡିଶା ପୋଲିସ ନୀରବ ଦ୍ରଷ୍ଟା ସାଜିଥିବା ଅଭିଯୋଗ ଚରିଙଛନ୍ତି ନରସିଂହ । ତୁରନ୍ତ ବିଧାନସଭାରେ ଏକ ଗୃହ କମିଟି ଗଠନ କରାଯାଇ ଘଟଣାସ୍ଥଳକୁ ଯାଇ ତଦନ୍ତ କରି ରିପୋର୍ଟ ଦାଖଲ କରିବାକୁ ଦାବି କରିଛନ୍ତି କଂଗ୍ରେସ ବିଧାୟକ ଦଳ ନେତା ।