ନର୍ଲା (ବଡ଼ ଖବର ବ୍ୟୁରୋ):କୋଭିଡ କଟକଣା ନେଇ ସାରା ଦେଶରେ ଅନେକ ରେଳ ଷ୍ଟେସନରେ ଯାତ୍ରୀ ଵାହି ଟ୍ରେନ ରହଣି ଉପରେ କଟକଣା ଲାଗିଥିବା ବେଳେ କଳାହାଣ୍ଡି ଜିଲ୍ଲା ନର୍ଲା ରୋଡ ରେଳ ଷ୍ଟେସନରେ ମଧ୍ୟ ତାହା କାର୍ଯ୍ୟକାରି ହୋଇଥିଲା । ସେଥିପାଇଁ ନର୍ଲା ରୋଡ ରେଳ ଷ୍ଟେସନରେ ମଧ୍ୟ ଅନେକ ଟ୍ରେନ ଅଟକୁ ନ ଥିଲା କିନ୍ତୁ କୋଭିଡ କଟକଣା ହଟିଲା ପରେ ମଧ୍ୟ ପୁର୍ବରୁ ଅଟକୁ ଥିବା ଟ୍ରେନ ଗୁଡ଼ିକ ଅଟକୁ ନ ଥିବାରୁ ନର୍ଲା ନିର୍ବାଚନ ମଣ୍ଡଳୀର ତିନୋଟି ବ୍ଲକର ଲୋକ ଅନେକ ଅସୁବିଧାର ସମୁଖିନ୍ନ ହେଉଛନ୍ତି । ସେଥିପାଇଁ ଆଜି ନର୍ଲା ବ୍ଲକ କଂଗ୍ରେସ ତରଫରୁ ବ୍ଲକ ଯୁବ କଂଗ୍ରେସ କର୍ମୀ ମାନେ ଏକ ଶୋଭାଯାତ୍ରାରେ ବାହାରି ନର୍ଲା ରୋଡ ରେଳ ଷ୍ଟେସନରେ ରେଳ ବିଭାଗକୁ ଷ୍ଟେସନ ମାଷ୍ଟରଙ୍କ ଜରିଆରେ ଏକ ଦାବି ପତ୍ର ପ୍ରଦାନ କରିଥିଲେ ଯଦି ପୁର୍ବରୁ ଅଟକୁ ଥିବା ଟ୍ରେନ ଗୁଡ଼ିକ ଆଗାମୀ ଦିନରେ ନ ଅଟକିଲେ କଂଗ୍ରେସ ପକ୍ଷରୁ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ।
