ବିଶ୍ୱର ସର୍ବଶ୍ରେଷ୍ଠ ଜାଭେଲିନ ଫିଙ୍ଗାଳି ହେଲେ ନୀରଜ ଚୋପ୍ରା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଇତିହାସ ରଚିଲେ ନୀରଜ ଚୋପ୍ରା । ବିଶ୍ୱ ଜାଭଲିନ୍ ଥ୍ରୋ ମାନ୍ୟତାରେ ନଂ ୱାନ୍କୁ ଉନ୍ନୀତ ହେଲେ ନୀରଜ ଚୋପ୍ରା । କ୍ୟାରିୟରରେ ପ୍ରଥମ ଥର ପାଇଁ ବିଶ୍ୱ ନମ୍ବର ୱାନ୍କୁ ଉନ୍ନୀତ ହୋଇଛନ୍ତି । ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ଜିତି ଦେଶକୁ ଗର୍ବିତ କରିଥିବା ଭାରତୀୟ ଜାଭେଲିନ୍ ଥ୍ରୋଅର୍ ନୀରଜ ଚୋପ୍ରା ପୁଣି ଥରେ ଇତିହାସ ରଚିଛନ୍ତି। ସେ କୌଣସି ଟୁର୍ଣ୍ଣାମେଣ୍ଟରେ ଚାମ୍ପିୟନ ହୋଇ ଇତିହାସ ରଚି ନାହାନ୍ତି ବରଂ ଏଥର ବିଶ୍ୱର ଏକ ନମ୍ବର ଜାଭେଲିନ୍ ଥ୍ରୋଅର ହୋଇ ଇତିହାସ ଚରିଛନ୍ତି । ଭାରତର ପ୍ରଥମ ଖେଳାଳି ଭାବେ ଏହି ସଫଳତା ହାସଲ କରିଛନ୍ତି ନୀରଜ ଚୋପ୍ରା।
ଏହା ପୂର୍ବରୁ ନୀରଜ ଚୋପ୍ରା ଟୋକିଓ ଅଲିମ୍ପିକ୍ସରେ ଟ୍ରାକ୍ ଆଣ୍ଡ ଫିଲ୍ଡ ଇଭେଣ୍ଟର ଜାଭେଲିନ ଥ୍ରୋରେ ଚାମ୍ପିୟନ ହୋଇ ଇତିହାସ ରଚିଥିଲେ। ନୀରଜ ଡାଇମଣ୍ଡ ଲିଗ୍ ରୁ ୨୦୨୩ ସିଜନ ଆରମ୍ଭ କରିଥିଲେ। ଏଥିରେ ନୀରଜ ୮୮.୭୬ ମିଟର ଜାଭେଲିନ୍ ଫିଙ୍ଗି ଟୁର୍ଣ୍ଣାମେଣ୍ଟରେ ପ୍ରଥମ ସ୍ଥାନରେ ରହିଥିଲେ । ସଦ୍ୟତମ ଜାଭେଲିନ୍ ଥ୍ରୋଅର୍ ରାଙ୍କିଙ୍ଗରେ ନୀରଜ ଚୋପ୍ରା ବିଶ୍ୱର ଏକ ନମ୍ବର ଖେଳାଳି ହୋଇଛନ୍ତି। ୨୫ ବର୍ଷୀୟ ନୀରଜ ୧୪୫୫ ପଏଣ୍ଟ ସହ ଶୀର୍ଷରେ ରହିଛନ୍ତି। ଜାଭେଲିନ ଥ୍ରୋଅରେ ବିଶ୍ୱ ବିଜେତା ଗ୍ରେନାଡାର ଆଣ୍ଡରସନଙ୍କୁ ପଛରେ ପକାଇ ନଂ ୱାନ୍କୁ ଉନ୍ନୀତ ହୋଇଛନ୍ତି । ଆଣ୍ଡରସନ୍ ପିଟର୍ସ ୧୪୩୩ ପଏଣ୍ଟ ସହ ଦ୍ବିତୀୟ ସ୍ଥାନରେ ରହିଛନ୍ତି।