ଦେଶର ୪ଟି ହାଇକୋର୍ଟରେ ନୂଆ ମୁଖ୍ୟ ବିଚାରପତିଙ୍କୁୁ ନିଯୁକ୍ତ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶର ୪ଟି ହାଇକୋର୍ଟରେ ନୂଆ ମୁଖ୍ୟ ବିଚାରପତିଙ୍କୁୁ ନିଯୁକ୍ତି । ରବିବାର ଆଇନ ଓ ନ୍ୟାୟ ମନ୍ତ୍ରଣାଳୟ ପକ୍ଷରୁ ବିଜ୍ଞପ୍ତି ପରେ ୪ଟି ହାଇକୋର୍ଟରେ ନୂଆ ବିଚାରପତିଙ୍କୁ ନିଯୁକ୍ତି ଦିଆଯାଇଛି । ଗୌହାଟୀ, ତ୍ରିପୁରା,ଜାମ୍ମୁ କାଶ୍ମୀର ଓ ଗୁଜୁରାଟ ହାଇକୋର୍ଟରେ ନିଯୁକ୍ତ ହୋଇଛନ୍ତି ନୂଆ ମୁଖ୍ୟ ବିଚାରପତି । ଗୁଜୁରାଟ ହାଇକୋର୍ଟ ବିଚାରପତି ସୋନିଆ ଗିରିଧର ଗୋକାନୀଙ୍କୁ ଗୁଜୁରାଟ ହାଇକୋର୍ଟର ମୁଖ୍ୟ ବିଚାରପତି ଭାବେ ନିଯୁକ୍ତି ଦିଆଯାଇଛି । ଗୁଜୁରାଟ ହାଇକୋର୍ଟରେ ଜଷ୍ଟିସ୍ ଗୋକାନୀ ପ୍ରଥମ ମହିଳା ଭାବେ ନିଯୁକ୍ତ ପାଇଛନ୍ତି ।

ରାଜସ୍ଥାନ ହାଇକୋର୍ଟର ବିଚାରପତି ସନ୍ଦୀପ ମେହେଟ୍ଟାଙ୍କୁ ଗୌହାଟୀ ହାଇକୋର୍ଟରେ ନିଯୁକ୍ତି, ଓଡ଼ିଶା ହାଇକୋର୍ଟ ବିଚାରପତି ଯଶୱନ୍ତ ସିଂହଙ୍କୁ ତ୍ରିପୁରା ହାଇକୋର୍ଟରେ ମୁଖ୍ୟ ବିଚାରପତିଭ ଭାବେ ନିଯୁକ୍ତି କରାଯାଇଛି । ଗୌହାଟୀ ହାଇକୋର୍ଟ ବିଚାରପତି ଏନ.କୋଟିଶ୍ୱର ସିଂହଙ୍କୁ ଜାମ୍ମୁ କାଶ୍ମୀର-ଲଦାଖ ହାଇକୋର୍ଟର ମୁଖ୍ୟ ବିଚାରପତି ଭାବେ ନିଯୁକ୍ତି କରାଯାଇଥିବା ନେଇ କେନ୍ଦ୍ର ଆଇନମନ୍ତ୍ରୀ କିରଣ ରିଜୁଜି ସୂଚନା ଦେଇଛନ୍ତି ।