ବର୍ଷ ପୂର୍ତ୍ତିରେ ନିଜ ମାଟିରେ ମହାମହିମ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ତିନିଦିନିଆ ଓଡ଼ିଶା ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ବିମାନବନ୍ଦରରେ ପହଞ୍ଚିବା ପରେ ରାଜ୍ୟପାଳ ପ୍ରଫେସର ଗଣେଶୀ ଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଭୁବନେଶ୍ୱର ମେୟର ସୁଲୋଚନା ଦାସ, ମୁଖ୍ୟ ଶାସନ ସଚିବ ପ୍ରଦୀପ ଜେନା, ପୁଲିସ ଡିଜି ସୁନୀଲ ବଂଶଲ ପ୍ରମୁଖ ସ୍ୱାଗତ କରିଥିଲେ। ପୂର୍ବରୁ ବହୁବାର ଓଡ଼ିଶା ଆସିଛନ୍ତି ହେଲେ ବର୍ତ୍ତମାନର ଗସ୍ତ ବେଶ ମହତ୍ୱ ରହିଛି । କାରଣ ମଙ୍ଗବାର ରାଷ୍ଟ୍ରପତି ଭାବେ ଏକ ବର୍ଷ ପୂରଣ କରିଛନ୍ତିି ଦ୍ରୌପଦୀ ମୁର୍ମୁ । ଆଉ ବର୍ଷେ ପୂର୍ତ୍ତିରେ ପହଞ୍ଚିଛନ୍ତି ନିଜ ମାଟିରେ । ବର୍ଷ ପୂର୍ତ୍ତି ଅବସରରେ ରାଜଭବନରେ ହୋଇଥିଲା ସ୍ୱତନ୍ତ୍ର କାର୍ଯ୍ୟକ୍ରମ । ମାଡାମ କେକ କାଟି ସେଲିବ୍ରେଟ କରିବା ସହ ରାଷ୍ଟ୍ରପତି ଭାବେ ଏକ ବର୍ଷର ଅଭିଜ୍ଞତାକୁ ମନେ ପକାଇଥିଲେ ।

ଜୁଲାଇ ୨୪, ୨୦୨୨ରେ ଦେଶର ପ୍ରଥମ ଆଦିବାସୀ ମହିଳା ରାଷ୍ଟ୍ରପତି ଭାବେ ଶପଥ ନେଇଥିଲେ ଦ୍ରୌପଦୀ ମୁର୍ମୁ । ରାଇରଙ୍ଗପୁରରୁ ରାଇସିନା ହିଲରେ ପହଞ୍ଚିଥିଲେ । ରାଷ୍ଟ୍ରପତି ଭାବେ ଶପଥ ନେବା ପରେ ଇତିହାସରେ ଯୋଡ଼ି ହୋଇଥିଲା ଆଉ ଏକ ନୂଆ ଅଧ୍ୟାୟ । ଏହି ଅବଧି ଭିତରେ ରାଷ୍ଟ୍ରପତି ଅନେକ କାମ କରିଛନ୍ତି । ୨୬ ରାଜ୍ୟ ଗସ୍ତ କରିଛନ୍ତି । ଉପରାଷ୍ଟ୍ରପତି ଜଗଦୀପ ଧନଖଡଙ୍କୁ ଶପଥ ପାଠ କରାଇଥିବାବେଳ ୧୩ ରାଜ୍ୟପାଳଙ୍କୁ ନିଯୁକ୍ତି ଦେଇଛନ୍ତି । ସୁପ୍ରିମକୋର୍ଟରେ ମଧ୍ୟ ଦୁଇ ପ୍ରଧାନ ବିଚାରପତିଙ୍କୁ ଶପଥ ପାଠ କରାଇଛନ୍ତି । ଖାଲି ସେତିକି ନୁହେଁ ବି୍ରଟେନ ମହାରାଣୀ ଏଲିଜା ବେଥ ଦ୍ୱିତୀୟଙ୍କ ଅନ୍ତିମ ସଂସ୍କରଣରେ ସେ ସାମିଲ ହୋଇଥିଲେ ।