ମୌସୁମୀ ବର୍ଷା ପରିମାଣ ୯୬% ହେବ

ଭୁବନେଶ୍ଵର(ବଡ଼ ଖବର ବ୍ୟୁରୋ): ଏବର୍ଷ ସ୍ୱାଭାବିକ ବର୍ଷା । ମୌସୁମୀ ବର୍ଷା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି । ଏ ବର୍ଷ ସ୍ୱାଭାବିକ ଭାବେ ମୌସୁମୀ ବର୍ଷା ହେବ ବୋଲି ପାଣିପାଗ ବିଭାଗ ସ୍ପଷ୍ଟ କରିଛି । ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର କହିଛନ୍ତି ମୌସୁମୀ ବର୍ଷା ପରିମାଣ ୯୬ପ୍ରତିଶତ ହେବ ବୋଲି ପୂର୍ବାନୁମାନ କରାଯାଇଥିଲା । ମୌସୁମୀରେ ଦେଶରେ ହାରାହାରି ୮୭ ସେଣ୍ଟିମିଟର ବର୍ଷା ହୋଇଥାଏ । ଚଳିତ ବର୍ଷ ୯୬ ପ୍ରତିଶତ ହିସାବରେ ୮୩.୫ ସେଣ୍ଟିମିଟର ବର୍ଷା ହେବାର ସମ୍ଭାବନା ରହିଛି । ୯୬ ପ୍ରତିଶତରୁ ୧୦୪ ପ୍ରତିଶତ ବର୍ଷା ହେଲେ ତାହାକୁ ସ୍ୱାଭାବିକ ବର୍ଷା କୁହାଯାଏ ବୋଲି ଆଇଏମଡି ଡିଜି କହିଛନ୍ତି । ମୌସୁମୀର ଦ୍ୱିତୀୟାର୍ଦ୍ଧରେ ଏଲ-ନିନୋ ସମସ୍ୟାର ସମ୍ଭାବନା ରହିଛି । ଏଲ-ନିନୋ ସମ୍ଭାବନା ଥିଲେ ମଧ୍ୟ ବର୍ଷା ପରିମାଣ କମିବ ନାହିଁ ବୋଲି ଆଇଏମଡି ଡିଜି ମୃତ୍ୟୁଞ୍ଜୟ ମହାପାତ୍ର କହିଛନ୍ତି । ପାଣିପାଗ ବିଭାଗର ପୂର୍ବାନୁମାନ ଚାଷୀଙ୍କ ପାଇଁ ଖୁସି ଆଣି ଦେଇଛି ।