ଆନ୍ଦୋଳନ ପାଇଁ ମିଳିଲାନି ଗାଡ଼ି, ଚାଲି ଚାଲି ଯାଇ ବାହାହେଲା ବର

କାଶୀପୁର(ବଡ଼ ଖବର ବ୍ୟୁରୋ): ବାହା ହେବାକୁ ଚାଲି ଚାଲି ଗଲେ । ଦୀର୍ଘ ୨୮କିଲୋମିଟର ଚାଲିଲା ବର । ବରକୁ ମିଳିଲାନି ଗାଡ଼ି । ଡ୍ରାଇଭର ସଂଘର ଆନ୍ଦୋଳନ ଚାଲିଥିବା ଯୋଗୁଁ ବରକୁ ଗାଡ଼ି ମିଳିଲାନି । ବାହା ହେବାକୁ ଚାଲି ଚାଲି ଗଲେ ୨୮ କି.ମି। ଡ୍ରାଇଭରଙ୍କ ଷ୍ଟିୟରିଂ ଛାଡ ଆନ୍ଦୋଳନ ପାଇଁ ହଟହଟା ହେଉଛନ୍ତି ଲୋକେ। ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି। ସୁନାଖଣ୍ଡି ପଞ୍ଚାୟତ ପାର୍ତିବେଡା ଗ୍ରାମର ଜଣେ ଯୁବକ ଗତକାଲି ବିବାହ କରିବାକୁ କନ୍ୟା ଘର ଡିବାଲପାଡୁ ଗ୍ରାମକୁ ବାହାରିଥିଲେ।

ବର ଘର ପ୍ରସ୍ତୁତ ହୋଇଥିଲେ ମଧ୍ୟ ଭଡ଼ା ଗାଡ଼ି ଗୁଡ଼ିକ ଆସିନଥିଲେ। ଡ୍ରାଇଭରଙ୍କ ଷ୍ଟିୟରିଂ ଛାଡ ଆନ୍ଦୋଳନ ପାଇଁ ଗାଡ଼ି ଗୁଡ଼ିକ ଆସିବା ପାଇଁ ମନା କରିଥିଲେ। ଫଳରେ କୌଣସି ଉପାୟ ନପାଇ ବରଯାତ୍ରୀ ବରକୁ ଧରି ଚାଲି ଚାଲି ୨୮ କିଲୋମିଟର ବାଟ ଯାଇଥିଲେ। ସନ୍ଧ୍ୟା ୬ ଟା ବେଳକୁ ବାହାରି ଭୋର ୩ ଟା ବେଳେ ପହଞ୍ଚିଥିଲେ। ଭୋରରୁ ବିବାହ ଅନୁଷ୍ଠିତ ହୋଇଥିଲା। ଏଥିପାଇଁ ବିବାହ ୧୦ ଘଣ୍ଟା ବିଳମ୍ବ ହୋଇଥିଲା।