ମେ ଦ୍ୱିତୀୟ ସପ୍ତାହରେ ଶୀର୍ଷ ଛୁଇଁବ ସଂକ୍ରମଣ

ଭୁବନେଶ୍ୱର (ବଡ଼ ଖବର ବ୍ୟୁରୋ) : ମେ ମଝି ଆଡକୁ ପିକ୍ ଛୁଇଁବ କରୋନା । ଦୈନିକ ୧୩ହଜାର ଆକ୍ରାନ୍ତ ଚିହ୍ନଟ ହେଇପାରନ୍ତି ବୋଲି ଆଶଙ୍କା କରିଛି ସ୍ୱାସ୍ଥ୍ୟ ବିଭାଗ । ଆଜି ରାଜ୍ୟରୁ ୮ହଜାରରୁ ଅଧିକ ସଂକ୍ରମିତ ଚିହ୍ନଟ ହେବା ରାଜ୍ୟବାସୀଙ୍କ ଚିନ୍ତାର କାରଣ ସାଜିଛି । ତେବେ ଟେଷ୍ଟିଂ ବଢିଥିବା କାରଣରୁ ଅଧିକ ସଂକ୍ରମିତ ଚିହ୍ନଟ ହୋଇଥିବା କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମାହାପାତ୍ର । ମେ ଦ୍ୱିତୀୟ ସପ୍ତାହ ବେଳକୁ କରୋନା ଗ୍ରାଫ ତଳ ମୁହାଁ ହୋଇ ପରେ ବୋଲି ସେ ଆକଳନ କରିଛନ୍ତି ।
ଦୈନିକ ଦଶ ହଜାର ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ପ୍ରସ୍ତୁତ ହେଉଥିବା ସେ କହିଛନ୍ତି । ଗତକାଲି ସମସ୍ତ ଜିଲ୍ଲାର ଜିଲ୍ଲାପାଳ ଓ ଏସପିଙ୍କୁ ସ୍ଥିତର ମୁକାବିଲା ପାଇଁ ରଣକୈଶଳ ଆପଣାଇବାକୁ ନିର୍ଦ୍ଦେଶ ଦେଇଥିଲେ ମୁଖ୍ୟମନ୍ତ୍ରୀ । ଅକ୍ସିଜେନ ଓ ଔଷଧ ପର୍ଯ୍ୟାପ୍ତ ପରିମାଣରେ ମହଜୁଦ ରଖିବା ପାଇଁ ମଧ୍ୟ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିୁଲେ । ଯଦି ଆମେ ସାମାଜିକ ଦୂରତା ମାନିବା ସହ ସର୍ବଦା ମାସ୍କ ବ୍ୟବହାର କରିବା ତେବେ ଗତବର୍ଷ ଭଳି ଚଳିତ ବର୍ଷ ମଧ୍ୟ ଆମେ କରୋନାକୁ ମାତ ଦେଇପାରିବା ବୋଲି ସେ କହିଛନ୍ତି ।