ଆମେ ଜିତିଛୁ, ପ୍ରଧାନମନ୍ତ୍ରୀ ହାରିଛନ୍ତି: ଜୟରାମ ରମେଶ

କର୍ଣ୍ଣାଟକ(ବଡ଼ ଖବର ବ୍ୟୁରୋ): ଦ୍ୱିତୀୟ ଥର ପାଇଁ ଇତିହାସ ପୁନରାବୃତ୍ତି କଲା କର୍ଣ୍ଣାଟକ । ଶାସକ ବିଜେପିକୁ ପତ୍ୟାଖାନ କଲେ ସାଧାରଣ ଭୋଟର । ବିଜେପି ହାତରୁ ଶାସନ କ୍ଷମତା କାଢି କଂଗ୍ରେସ ହାତରେ ଧରାଇଦେଇଛନ୍ତି । ଦଳର ମହାସଚିବ ଜୟରାମ ରମେଶ କହିଛନ୍ତି ଆମେ ଜିତିଛୁ, ପ୍ରଧାନମନ୍ତ୍ରୀ ହାରିଛନ୍ତି । ସେ ଆହୁରି କହିଛନ୍ତି, ବିଜେପି ନିର୍ବାଚନ ପ୍ରଚାରକୁ ପ୍ରଧାନମନ୍ତ୍ରୀ ମୋଦିଙ୍କ ଉପନିର୍ବାଚନରେ ପରିଣତ କରିଥିଲା କିନ୍ତୁ ଏହି ପ୍ରୟାସକୁ ଜନସାଧାରଣ ପ୍ରତ୍ୟାଖ୍ୟାନ କରିଦେଇଛନ୍ତି। ସେ ଟୁଇଟ୍ କରି କହିଛନ୍ତି, ଲୋକଙ୍କ ଜୀବିକା, ଖାଦ୍ୟ ନିରାପତ୍ତା, ମୂଲ୍ୟ ବୃଦ୍ଧି, କୃଷକଙ୍କ ସମସ୍ୟା, ବିଦ୍ୟୁତ୍ ଯୋଗାଣ, ବେକାରୀ ଏବଂ ଦୁର୍ନୀତି ପ୍ରସଙ୍ଗକୁ ଆୟୁଧ କରି କଂଗ୍ରେସ ଦଳ ଏହି ନିର୍ବାଚନ ଲଢ଼ିଛି। ରମେଶ କହିଛନ୍ତି, ବିଜେପି ବିଭାଜନ ସୃଷ୍ଟି ଏବଂ ପୋଲାରାଇଜ କରିବାକୁ ଚେଷ୍ଟା କରିଥିଲା।