ପାରାଦୀପ(ବଡ଼ ଖବର ବ୍ୟୁରୋ): ଆଜିଠୁ ଦୁଇମାସ ପର୍ଯ୍ୟନ୍ତ ସମୁଦ୍ରକୁ ଯିବେ ନାହିଁ ମତ୍ସ୍ୟଜୀବୀ। ମାଛ ବଂଶ ବୃଦ୍ଧି ପାଇଁ ସରକାର ଲଗାଇଛନ୍ତି ରୋକ୍। ଏପ୍ରିଲ ୧୫ରୁ ଜୁନ ୧୪ ମାଛଙ୍କ ଅଣ୍ଡାଦାନର ସମୟ। ପାରାଦ୍ଵୀପରେ ୨୫୪୩ ରୁ ଉର୍ଦ୍ଧ୍ବ ଯନ୍ତ୍ର ଚାଳିତ ଡଙ୍ଗା ଓ ୬୧୧ ଟି ସୋନା ବୋଟ ଚଳାଚଳ ବନ୍ଦ। ମତ୍ସ୍ୟ ସମ୍ପଦର ସୁରକ୍ଷା ଓ ମତ୍ସ୍ୟ ଉତ୍ପାଦନକୁ ଲକ୍ଷ୍ୟ ରଖି ୨୦୦୫ ମସିହା ଠାରୁ କେନ୍ଦ୍ର ସରକାର ଆରମ୍ଭ କରିଛନ୍ତି କଡା ନିୟମ ଜ୍ଝ ଏପ୍ରିଲ ୧୫ ତାରିଖରୁ ଜୁନ ୧୪ ଦୁଇମାସ ମଧ୍ୟରେ ମାଛମାନେ ଅଣ୍ଡାଦାନ କରିବାକୁ ଥିବାବେଳେ ଯନ୍ତ୍ର ଚାଳିତ ଡଙ୍ଗା କିମ୍ବା ଟ୍ରଲର ସମୁଦ୍ର ଭିତରେ ପ୍ରବେଶ କରିବେ ନାହିଁ ।
ଯାହାକୁ ନେଇ ଆଜିଠାରୁ ଲାଗୁ ହୋଇଛି ଏହି ନିୟମ। ଉପକୂଳରୁ ଦୂର ସମୁଦ୍ର ଭିତରକୁ ପ୍ରତିଦିନ ଶହ ଶହ ସଂଖ୍ୟାରେ ଡଙ୍ଗା ଓ ଟ୍ରଲର ମାଛ ଧରିବା ପାଇଁ ଯାଉଥିବା ବେଳେ ଏହି ସମୟରେ ଅଣ୍ଡା ଦାନ କରିବାକୁ ଆସୁଥିବା ମାଛମାନେ କ୍ଷତିଗ୍ରସ୍ତ ହେଉଥିବା ନେଇ କରାଯାଇଛି ଏହି ନିୟମ। କିନ୍ତୁ ପ୍ରସାଶନିକ କଟକଣା ପାଇଁ ମତ୍ସ୍ୟଜୀବୀ, ବ୍ୟବସାୟୀ, ଟ୍ରଲର ଓ ଡଙ୍ଗା ମାଲିକମାନଙ୍କୁ ଆର୍ଥିକ କ୍ଷତି ପହଞ୍ଚାଉ ଥିବାରୁ ସେମାନେ ଏବେ ବେଶ ଚିନ୍ତିତ।
