୬୫ ବର୍ଷରେ ମିଳୁନି ଭତ୍ତା

ବୈପାରିଗୁଡା, (ବଡ଼ ଖବର ବ୍ୟୁରୋ): ଅସହାୟଙ୍କୁ ସହାୟତା ପାଇଁ ସରକାର ଯୋଜନା ପରେ ଯୋଜନା କରିଚାଲିଛନ୍ତି । କିନ୍ତୁ ପ୍ରକୃତରେ ଯୋଗ୍ୟ ହିତାଧିକାରୀଙ୍କ ନିକଟରେ ପହଞ୍ଚି ପାରୁନାହିଁ ଯୋଜନାର ସୁଫଳ । ଏଭଳି ଏକ ସଙ୍ଗୀନ ଅଭିଯୋଗ ଆସିଛି କୋରାପୁଟ ଜିଲ୍ଲା ବୈପାରିଗୁଡା ବ୍ଲକ ଅନ୍ତର୍ଗତ ମାଠପଡ଼ା ପଞ୍ଚାୟତର ଜପଗୁଡ଼ା ଗ୍ରାମରୁ । ଉକ୍ତ ଗ୍ରାମର ଘାସି ମାଠପଡ଼ିଆଙ୍କୁ ୬୫ ବର୍ଷ ବୟସ ହେଲାଣି, ମାତ୍ର ଆଜି ପର୍ୟ୍ୟନ୍ତ ସେ ବାର୍ଦ୍ଧକ୍ୟ ଭତ୍ତା ପାଇ ନାହାନ୍ତି । ପଞ୍ଚାୟତରୁ ଆରମ୍ଭ କରି ବିଡିଓଙ୍କ ପର୍ଯ୍ୟନ୍ତ ଅନେକ ଥର ଆବେଦନ କରିଥିଲେ ମଧ୍ୟ ସୁଫଳ ପାଇପାରୁନାହାନ୍ତି । ସବୁଆଡୁ ନିରାଶ ହେବା ପରେ ଭାଗ୍ୟକୁ ଆଦରି ଘରେ ପଡ଼ି ରହିଛନ୍ତି ଘାସି । ସରକାର କେବେ ଘାସିଙ୍କ ଦୁଃଖ ଶୁଣୁଛନ୍ତି ତାହାକୁ ‘ବଡ଼ ଖବର’ ଅପେକ୍ଷା କରିଛି ।