ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୂର୍ବରୁ ପୃଥିବୀରେ ଅନେକ କ୍ଷୁଦ୍ରଗ୍ରହ ମାଡ଼ ହୋଇଛି । ତାହା ଯୋଗୁଁ ବ୍ୟାପକ ବିନାଶ ହୋଇଛି । ପୃଥିବୀରେ ମନୁଷ୍ୟର ବିକାଶ ହୋଇନଥିବା ସମୟରେ କ୍ଷୁଦ୍ରଗ୍ରହ ମାଡ଼ ହେବାରୁ ଗୁରୁତର ବିନାଶ ହୋଇଥିଲା । ୬କୋଟି ୫୦ଲକ୍ଷ ବର୍ଷ ପୂର୍ବେ ପୃଥିବୀ ସହ ଏକ ବଡ଼ କ୍ଷୁଦ୍ରଗ୍ରହ ଧକ୍କା ହୋଇଥିଲା । ଫଳରେ ଡାଇନୋସର ଭଳି ଅନେକ ପ୍ରଜାତିର ଜୀବ ସମ୍ପୂର୍ଣ୍ଣ ଧ୍ୱଂସ ପାଇଥିଲା । ସେହି କ୍ଷୁଦ୍ରଗ୍ରହର ଆକାର ୧୧ରୁ ୧୨ କିଲୋମିଟରର ଥିଲା । ଏହାକୁ ପୃଥିବୀରେ ମାଡ଼ ହୋଇଥିବା ସବୁଠାରୁ ବଡ଼ କ୍ଷୁଦ୍ରଗ୍ରହ କୁହାଯାଏ ।
ମେକସିକୋ ଉପକୂଳରେ ମାଡ଼ ହୋଇଥିବା ଏହି ଯୁଦ୍ରଗ୍ରହ ଯୋଗୁଁ ପୃଥିବୀରେ ଏକ ସଂଗେ ଅନେକ ପରିବର୍ତ୍ତନ ହୋଇଥିଲା । ଏହା ଦ୍ୱାରା ପୃଥିବୀର ୭୫ ପ୍ରତିଶତ ଜୀବ ଧ୍ୱଂସ ପାଇଥିଲେ । ସମଗ୍ର ପୃଥିବୀ ଧୂଳିରେ ଆଚ୍ଛାଦିତ ହୋଇଥିଲା । ସୂର୍ଯକିରଣ ପୃ୍ୟଥିବୀ ପର୍ଯ୍ୟନ୍ତ ପହଞ୍ଚô ପାରିଲା ନାହିଁ । ତାପମାତ୍ର ଅତ୍ୟନ୍ତ ବଢିଯିବା ସହିତ ସୁନାମୀ ଓ ଅଗ୍ନି ଉଦଗିରଣ ବଢିଗଲା । ୨୦୨୮ ଅକ୍ଟୋବର ୨୬ରେ ଯଦି ଏଭଳି ଘଟଣା ଘଟେ କୋଟି କୋଟି ଲୋକଙ୍କ ମୃତୁ୍ୟ ଘଟିବ । ଉଦ୍ଭିଦ ଜଗତ ପ୍ରାୟ ଧ୍ୱଂସ ପାଇଯିବ । ୯୬ କିମି ଚଉଡା କ୍ଷୁଦ୍ରଗ୍ରହ ଯଦି ପୃଥିବୀରେ ମାଡ଼ ହୁଏ, ସମଗ୍ର ଜୀବଜଗତ ଧ୍ୱଂସ ପାଇଯିବ ବୋଲି ବୌଜ୍ଞାନିକମାନେ ଅନୁମାନ କରୁଛନ୍ତି ।
୦.୮ କିଲୋମିଟର ଆକାରଯୁକ୍ତ କ୍ଷୁଦ୍ରଗ୍ରହର ମାଡ଼ ୧୦୦ ଅରବ ଟ୍ରାଇନାଇଟ୍ରୋଟୋଲୁ୍ୟନ୍ ମାଡ଼ ଭଳି । ଘଣ୍ଟାପ୍ରତି ୪୮ ହଜାର କିମି ବେଗରେ ଆସୁଥିବା ଏକ ଘର ଆକାରର କ୍ଷୁଦ୍ରଗ୍ରହ ଏକ ମାଇଲ ପଯ୍ୟନ୍ତ ମାନବ ସଂରଚନାକୁ ଧ୍ୱଂସ କରିଦେବ । ସେହିପରି ୨୦ ମହଲା ଆକାରର କ୍ଷୁଦ୍ରଗ୍ରହ ୮କିମି ପର୍ଯ୍ୟନ୍ତ ସବୁ ଧ୍ୱଂସ କରିଦେବ । କ୍ଷୁଦ୍ରଗ୍ରହର ମାଡ଼ କେଉଁଠି ହେବ ତାହା ଉପରେ ମଧ୍ୟ ଅନେକ କଥା ନିର୍ଭର କରେ ।
