୫୮ ପଇସା ମହଙ୍ଗା ହେଲା ପେଟ୍ରୋଲ

(ବଡ଼ ଖବର ବ୍ୟୁରୋ):  ତେଲ ଦର ବୃଦ୍ଧିରେ ଲୋକଙ୍କୁ ମିଳୁନି ଆଶ୍ୱସ୍ତି । ଦିନକୁ ଦିନ ବଢୁଛି ପେଟ୍ରୋଲ ଡିଜେଲ ଦର । ଗତ ଦୁଇଦିନ ଧରି ତୈଳ ଦର ସ୍ଥିର ରହିବା ପରେ ଆଜି ପୁଣି ବଢିଲା ତୈଳ ଦର । ପେଟ୍ରୋଲ ମୂଲ୍ୟ ଲିଟର ପିଛା ୫୮ ପଇସା ବୃଦ୍ଧି ପାଇଛି । ସେହିଭଳି ଡିଜେଲ ଦର ୩୫ ପଇସା ବୃଦ୍ଧି ପାଇଛି । ମାଲକାନଗିରି କାଲିମେଳାରେ ପେଟ୍ରୋଲ ଦର ୧୧୫ ଟଙ୍କା ୫୨ ପଇସାରେ ପହଞ୍ଚିଛି ।

ସେହିପରି ଭୁବନେଶ୍ୱରରେ ପେଟ୍ରୋଲ ଦର ୧୦୮ ଟଙ୍କା ୯୦ ପଇସା । କଟକରେ ପେଟ୍ରୋଲ ଦର ୧୦୯ଟଙ୍କା ୨୫ ପଇସା ରହିଛି । ଏହାରି ମଧ୍ୟରେ ଅନେକ ସ୍ଥାନରେ ପେଟ୍ରୋଲ ଦର ୧୦ ଟଙ୍କା ଟପିଗଲାଣି । ତେଲ ଦର ବଢିବା ଫଳରେ ଟ୍ରାନ୍ସପୋର୍ଟିଂ ଚାର୍ଜ ବଢୁଛି । ଯାହାଫଳରେ ଅନ୍ୟାନ୍ୟ ଖାଦ୍ୟ ସାମଗ୍ରୀର ଦର ଦାମ ମଧ୍ୟ ବୃଦ୍ଧି ପାଉଛି । ସେହିପରି ପରିବା ମାକେର୍ଟରେ ୬୦ କି ୭୦ ଟଙ୍କା ତଳକୁ କୌଣସି ପରିବା ମିଳୁ ନାହିଁ । ଦର ଦାମ ବୃଦ୍ଧି ନେଇ ଲୋକେ ହନ୍ତସନ୍ତ ହେଉଛନ୍ତି ।