‘ବିଜେପି ଉପରକୁ ଉଠି ବିକାଶ ପାଇଁ କାର୍ଯ୍ୟ କରୁଛି’

ନୂଆଦିଲ୍ଲୀ (ବଡ଼ ଖବର ବ୍ୟୁରୋ):  ଦେଶର ୫୦୮ଟି ରେଳ ଷ୍ଟେସନର ଶିଳାନ୍ୟାସ କଲେ ପ୍ରଧାନମନ୍ତ୍ରୀ ମୋଦୀ । ନୂଆଦିଲ୍ଲୀରେ ପ୍ରଧାନମନ୍ତ୍ରୀ ଶିଳାନ୍ୟାସ କରିବା ସହ ଅନ୍ୟ ସମସ୍ତ ଷ୍ଟେସନରେ ଅତିଥିମାନେ ଉପସ୍ଥିତ ରହିଥିଲେ । ଏହି ଅବସରରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ସମେତ ଅନ୍ୟ ଦୁଇ ରେଳ ରାଷ୍ଟମନ୍ତ୍ରୀ ସାମିଲ ହୋଇଛନ୍ତି । କାର୍ଯ୍ୟକ୍ରମକୁ ସମ୍ବୋଧନ କରି ପ୍ରଧାନମନ୍ତ୍ରୀ କହିଛନ୍ତି ଭାରତୀୟ ରେଳ ଇତିହାସରେ ନୂଆ ଅଧ୍ୟାୟର ସୃଷ୍ଟି ହୋଇଛି । ପ୍ରଧାନମନ୍ତ୍ରୀ କହିଛନ୍ତି, ୩୦ ବର୍ଷ ମଧ୍ୟରେ ପ୍ରଥମ ଥର ପାଇଁ ସଂପୂର୍ଣ୍ଣ ସଂଖ୍ୟାଗରିଷ୍ଠତା ଥିବା ସରକାର ଗଠନ ହୋଇଛି । ସାରା ବିଶ୍ୱରେ ଭାରତର ବିଶ୍ୱସନୀୟତା ବୃଦ୍ଧି ପାଇଛି ।

ସେ କହିଛନ୍ତି, ‘ଅମୃତକାଳ ଆରମ୍ଭରେ ଏହି ଐତିହାସିକ କାର୍ଯ୍ୟ ପାଇଁ ମୁଁ ରେଳ ମନ୍ତ୍ରଣାଳୟକୁ ପ୍ରଶଂସା କରୁଛି । ଏବଂ ସମସ୍ତ ଦେଶବାସୀଙ୍କୁ ଅଭିନନ୍ଦନ ଜଣାଉଛି। ଆଜି ସମଗ୍ର ବିଶ୍ୱର ଆଖି ଭାରତ ଉପରେ ରହିଛି । ବିଶ୍ୱ ସ୍ତରରେ ଭାରତର ବିଶ୍ୱସନୀୟତା ବୃଦ୍ଧି ପାଇଛି । ଦୁନିଆର ମନୋଭାବ ବଦଳିବାର ଦୁଇଟି ମୁଖ୍ୟ କାରଣ ରହିଛି । ତିନି ଦଶନ୍ଧି ପରେ ଭାରତର ଲୋକମାନେ ସଂପୂର୍ଣ୍ଣ ସଂଖ୍ୟାଗରିଷ୍ଠତା ସହ ଏକ ସରକାର ଗଠନ କରିଛନ୍ତି । ପ୍ରଧାନମନ୍ତ୍ରୀ କହିଛନ୍ତି, ‘ଆମ ସହରର ପରିଚୟ ସହରର ରେଳ ଷ୍ଟେସନ ସହିତ ମଧ୍ୟ ଜଡିତ। ଯଦି କୌଣସି ପର୍ଯ୍ୟଟକ, ଦେଶ କିମ୍ବା ବିଦେଶୀ ଆସି ଷ୍ଟେସନରେ ପହଞ୍ଚିଲେ ଦେଶର ପ୍ରଥମ ଚିତ୍ର ଭଲ ରହିବ ।

ସେ ଆହୁରି ମଧ୍ୟ କହିଛନ୍ତି ଯେ ବିରୋଧୀମାନେ କିଛି କରିବେ ନା କରିବାକୁ ଦେବେ । ବିରୋଧୀ ସଂସଦର ନୂତନ ଭବନକୁ ବିରୋଧ କରିଛନ୍ତି । ୭୦ ବର୍ଷରେ ଶହୀଦମାନଙ୍କ ପାଇଁ ଯୁଦ୍ଧ ସ୍ମାରକ ମଧ୍ୟ କରିନାହାଁନ୍ତି । ଷ୍ଟାଚ୍ୟୁ ଅଫ୍ ୟୁନିଟିକୁ ଯାଇ ନାହାଁନ୍ତି। ସେ କହିଛନ୍ତି ଯେ ଆଜି ପର୍ୟ୍ୟନ୍ତ ସେ ସର୍ଦ୍ଦାର ସାହେବଙ୍କ ପ୍ରତିମୂର୍ତ୍ତି ଆଗରେ ମୁଣ୍ଡ ନୁଆଁଇ ନାହାଁନ୍ତି। ଆମେ ଦଳ ଉପରକୁ ଉଠି ବିକାଶ ପାଇଁ କାର୍ଯ୍ୟ କରୁଛୁ ଏବଂ ୧.୫ ଲକ୍ଷରୁ ଅଧିକ ଯୁବକ ରେଳବାଇରେ ଚାକିରି ପାଇଛନ୍ତି।