ଘରୋଇ ବସ ସଂଘ ପକ୍ଷରୁ ଚେତାବନୀ: ନଭେମ୍ବର ୧୬ରୁ ବନ୍ଦ ରହିବ ଘରୋଇ ବସ ଚଳାଚଳ

(ବଡ଼ ଖବର ବ୍ୟୁରୋ)  ଲୋକଙ୍କୁ ମିଳୁନି ଆଶ୍ୱସ୍ତି । ଲଗାତାର ବଢ଼ିଚାଲିଛି ତୈଳ ଦର । ଯାହା ଥମିବାର ନାଁ ନଉନି । ଏପରି ବୃଦ୍ଧି ସାଧାରଣ ଲୋକଙ୍କୁ ଅସ୍ତବ୍ୟସ୍ତ କରି ପକାଇଛି । ଏ ନେଇ ରାଜ୍ୟ ଘରୋଇ ବସ ସଂଘ ପକ୍ଷରୁ ରାଜ୍ୟ ସରକାରଙ୍କୁ ଚେତାବନୀ ଦିଆଯାଇଛି ।

ତେଲ ଦର କମ କରିବା ପାଇଁ ସଂଘ ପକ୍ଷରୁ ଦାବି ହୋଇଛି । ଏ ନେଇ ନଭେମ୍ବର ୧୫ ତାରିଖ ପର୍ଯ୍ୟନ୍ତ ସରକାରଙ୍କୁ ସମୟ ଦିଆଯାଇଛି । ଏହାରି ଭିତରେ ତେଲ ଦର ନ କମିଲେ ନଭେମ୍ବର ୧୬ରୁ ଅନିର୍ଦ୍ଦିଷ୍ଟ କାଳ ପାଇଁ ଘରୋଇ ବସ୍ ଚଳାଚଳ ବନ୍ଦ ରହିବ । ଏ ନେଇ ଘରୋଇ ବସ୍ ସଂଘର ସମ୍ପାଦକ କହିଛନ୍ତି । ସେ କହିଛନ୍ତି , ତେଲ ଓ ଅନ୍ୟାନ୍ୟ ଆନୁଷଙ୍ଗିକ ସାମଗ୍ରୀ ଦର ବୃଦ୍ଧି ଯୋଗୁ ବସ ଗୁଡ଼ିକ କ୍ଷତିରେ ଚାଲିଛ । ତେଲ ଦର ହ୍ରାସ କରିବା ପାଇଁ ଆମେ ନଭେମ୍ବର ୧୫ ତାରିଖ ପର୍ଯ୍ୟନ୍ତ ସମୟ ଦେଉଛୁ । ସରକାର ଆମ ଦାବି ନ ଶୁଣିଲେ ବସ ଚଳାଚଳ ବନ୍ଦ ରହିବ ବୋଲି ସେ କହିଛନ୍ତି ।