ଭୁବନେଶ୍ୱର(ବଡ଼ ଖବର ବ୍ୟୁରୋ): ଘନ ଘନ ବିଜୁଳି କାଟ ପ୍ରସଙ୍ଗ । ଆଜି ଠୁ ବିଜେପି ର ୨ ଦିନିଆ ପାୱାର ପ୍ରୋଟେଷ୍ଟ । ବିଜେପି ତରଫରୁ ୧୪ ଓ ୧୫ ସାରା ରାଜ୍ୟରେ ଥିବା ଟାଟା ପାୱାର କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ଓ ଆନେ୍ଦାଳନ କରାଯିବ ବୋଲି ରାଜ୍ୟ ସାଧାରଣ ସମ୍ପାଦକ ପୃଥୀରାଜ ହରିଚନ୍ଦନ ସୂଚନା ଦେଇଛନ୍ତି । ସାମ୍ବଦିକ ସମ୍ମଳନୀରେ ସେ କହିଛନ୍ତି ନିରବଚ୍ଛିନ୍ନ ଭାବେ ବିଜୁଳି ସେବର ଯୋଗାଇଦେବାର ଦାୟିତ୍ୱ ନେଇଥିବା ଟାଟା ପାୱାର ସମସ୍ତ ଚୁକ୍ତି ଓ ନିୟମକୁ ଖିଲାପ କରୁଛି ।
ଗ୍ରାମାଚଂଳରେ ଦିନକୁ ୪ରୁ ୫ ଘଂଟା ସହରରେ ଦିନକୁ ୨୦ ରୁ ୨୫ ଥର ଅଘୋଷିତ ପାୱାର କଟ ହେଉଛି । ସେପଟେ ଆଜି ରାଜଭବନ ସମ୍ମୁଖରେ ଗ୍ୟାସ ବୃଦ୍ଧି ନେଇ ଆନେ୍ଦାଳନ କରିବ ବିଜେଡି । ତୁରନ୍ତ ଦର ହ୍ରାସ ନହେଲେ ଆରଡ଼ିସି ଅଫିସ ଘେରାଉ କରିବ ବୋଳଇ ବିଜେଡି କହିଛି । ଯେଉଁଭଳି ଭାବେ ଗ୍ୟାସ ଦର ବୃଦ୍ଧି ହେଉଛି ବାରମ୍ବାର ଅଭିଯୋଗ ପରେ ବି କେନ୍ଦ୍ର ସରକାର ନିରବ ରହୁଛନ୍ତି । ଏହାର ପ୍ରତିବାଦରେ ରାଜଭବନ ସମ୍ମୁଖରେ ବିଜେଡି ପକ୍ଷରୁ ଧାରଣା ଦିଆଯିବ ବୋଲି ବିଜେଡି ମୁଖପାତ୍ର ଶ୍ରୀମୟୀ ମିଶ୍ର କହିଛନ୍ତି ।
