ଉତ୍କଳ ଗୌରବ ମଧୁସୂଦନଙ୍କ ଶ୍ରାଦ୍ଧବାର୍ଷିକୀରେ ଗଣଦୌଡ଼ କାର୍ଯ୍ୟକ୍ରମ
ସାଲେପୁର (ବଡ଼ ଖବର ବ୍ୟୁରୋ): ଆଜି ଉତ୍କଳ ଗୌରବ ମଧୁସୂଦନ ଦାସଙ୍କ ୯୦ତମ ଶ୍ରାଦ୍ଧବାର୍ଷିକୀ । ଏହି ଅବସରରେ ମଧୁସୂଦନ ସାଂସ୍କୃତିକ ପରିଷଦ ଆନୁକୂଲ୍ୟରେ ମଧୁବଜାର ପାଗା ଛକ ଠାରୁ ଜନ୍ମ ପୀଠ ସତ୍ୟଭମାପୁର ପର୍ଯ୍ୟନ୍ତ ଗଣଦୌଡ଼ ଓ ମଧୁଜ୍ୟୋତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ଶୁଭ ଉଦ୍ଘାଟକ ଭାବେ ତହସିଲଦାର ସାଲେପୁର ଶିବ ମଲିକ ଆନୁଷ୍ଠାନିକ ଭାବେ ଯୋଗ ଦେଇ ଶୁଭାରମ୍ଭ କରିଥିଲେ।
ପରେ ଯୁବକମାନେ ଜନ୍ମସ୍ଥାନ ପାଖାପାଖି ୫ ଟି ଗାଁ ରେ ମଧୁଜ୍ୟୋତି ଧରି ପରିକ୍ରମା ସହିତ ଜନ୍ମ ପୀଠରେ ପହଞ୍ଚିଥିଲେ। ଏହି ପୀଠରେ କସ୍ତୁରବା ଗାନ୍ଧି ଟ୍ରଷ୍ଟ ପକ୍ଷରୁ ଏକ ସ୍ମୃତି ସଭା ଅନୁଷ୍ଠିତ ହୋଇଥିଲା ।ଏଥିରେ ବିଶିଷ୍ଟ ସାହିତ୍ୟିକ ପ୍ରତିଭା ମହାରଥୀ ମଧୁବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହିତ ମଧୁବାବୁଙ୍କ ସ୍ମୃତି ଚାରଣ କରିଥିଲେ।