ଝାରସୁଗୁଡା(ବଡ଼ ଖବର ବ୍ୟୁରୋ): ଅଧିକ ଟ୍ରିପ ନ କରିବାରୁ ଡ୍ରାଇଭରକୁ ନିସ୍ତୁକ ମାଡ଼ । ଭିଡ଼ିଓ ହେଲା ଭାଇରଲ । ଝାରସୁଗୁଡାରେ ଏଭଳି ଦୃଶ୍ୟ ଦେଖିବାକୁ ମିଳିଛି । ଏହି ଭିଡିଓରୁ ଘରୋଇ କମ୍ପାନୀ ମାନଙ୍କର ଦାଦାଗିରି ସାମ୍ନାକୁ ଆସିଛି । ଶୁକ୍ରବାର ଦିନର ଏହି ଘଟଣା ଅଧିକ ଟ୍ରିପ କରି ନ ପାରିବାରୁ କମ୍ପାନୀ ମ୍ୟାନେଜର ନୃଶଂସ ଭାବେ ଡ୍ରାଇଭରକୁ ଲାଠିରେ ପିଟୁଥିବାର ଦୃଶ୍ୟ ସାମ୍ନାକୁ ଆସିଛି । ଗତକାଲି ରାତିରେ ଡ୍ରାଇଭର ମହାସଂଘର କର୍ମକର୍ତ୍ତାମାନେ ସମ୍ପୃକ୍ତ ମାଡ଼ ଖାଇଥିବା ଡ୍ରାଇଭରକୁ ମେଡିକାଲକୁ ନେଇ ଚିକିତ୍ସା କରିବା ସହିତ ବଡ଼ମାଲ ଥାନାରେ ଏକ ମାମଲା ରୁଜୁ କରିଥିଲେ । ଯାହାକୁ ନେଇ ଉତ୍ତରପ୍ରଦେଶ ଡ୍ରାଇଭର ମହାସଂଘ, ଝାରଖଣ୍ଡ ଡ୍ରାଇଭର ମହସଙ୍ଗ ଓ ଓଡ଼ିଶା ଡ୍ରାଇଭର ମହାସଂଘର ସଦସ୍ୟମାନେ ଏହାର ତୀବ୍ର ନିନ୍ଦା କରିବା ସହ ଉଚିତ ନ୍ୟାୟ ମିଳୁ ବୋଲି ଦାବି କରିଛନ୍ତି । ଅନ୍ୟ ପଟେ ଆଜି ଘରୋଇ କମ୍ପାନୀକୁ ଘେରାଉ କରିବେ ବୋଲି ଚେତାବନୀ ଦେଇଛନ୍ତି ଝାରସୁଗୁଡା ଡ୍ରାଇଭର ମହାସଂଘ ।
