ରିତ୍ନବେଦୀରେ ମହାପ୍ରଭୁ, ଆଜିଠୁ ନୀଳାଚଳ ଅବଢା
ପୁରୀ (ବଡ଼ ଖବର ବ୍ୟୁରୋ): ନୀଳକନ୍ଦରକୁ ଫେରିଲେ ନୀଳାଦ୍ରିନାଥ । ଭାବାବେଗରେ ଭିଜିଲା ସିଂହଦ୍ୱାର । ନବଦିନାତ୍ମକ ଯାତ୍ରା ଶେଷ କରି ନୀଳକନ୍ଦରକୁ ବାହୁଡିଛନ୍ତି ନୀଳାଦ୍ରି ନାଥ । ଏହାସହ ଆଜିଠୁ ଉପଲବ୍ଧ ହେବ ନୀଳାଚଳ ଅଭଡ଼ା । ଏହି ଅଭଡ଼ା ପାଇବାକୁ ଭକ୍ତଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଭକ୍ତମାନେ କିପରି ସୁବିଧାରେ ଏହି ଅଭଡ଼ା ପାଇବେ ସେଥିପାଇଁ ପ୍ରଶାସନ ପକ୍ଷରୁ ବିଶେଷ ବ୍ୟବସ୍ଥା କରାଯାଇଛି ।
ସୂଚନା ଅନୁସାରେ ଗତକାଲି ନିର୍ଦ୍ଧାରିତ ସମୟ ଠାରୁ ପ୍ରାୟ ୪ ଘଣ୍ଟା ବିଳମ୍ବରେ ପହଣ୍ଡି ଆରମ୍ଭ ହୋଇଥିଲା । ବର୍ଷାରେ ଭିଜି ଭିଜି ରତ୍ନବେଦୀରେ ବିରାଜିଛନ୍ତି ମହାବାହୁ । ଅଭିମାନିନୀ ମହାଲକ୍ଷ୍ମୀଙ୍କୁ ମହାପ୍ରଭୁ ରସଗୋଲା ଖୁଆଇ ମାନଭଞ୍ଜନ କରିଛନ୍ତି ମହାପ୍ରଭୁ । ଘୋଷଯାତ୍ରାର ଏହି ଅନ୍ତିମ ପର୍ୟ୍ୟାୟରେ କାଳିଆର ମାନବୀୟ ଲୀଳାକୁ ଦେଖିବାକୁ ଶ୍ରୀକ୍ଷେତ୍ରରେ ଜମିଥିଲା ଭକ୍ତଙ୍କ ଭିଡ।
ପୂର୍ବଭଳି ଏବେ ଶ୍ରୀମନ୍ଦିରେ ମହାପ୍ରଭୁଙ୍କୁ ଦର୍ଶନ କରିବେ ଭକ୍ତ। ହେଲେ ରତ୍ନଭଣ୍ଡାର ମରାମତି ଏବଂ ରତ୍ନର ଗଣତି ମଣତି ହେବାର ଅଛି। ସେଥିପାଇଁ ରତ୍ନଭଣ୍ଡାରୁ ଅଳଙ୍କାର ସବୁ ଅସ୍ଥାୟୀ ଗୃହକୁ ସ୍ଥାନାନ୍ତର କରାଯାଇଛି। ଏପଟେ ଶ୍ରୀମନ୍ଦିରର ଚାରି ଦ୍ୱାର ଖୋଲାଥିବାରୁ ମନ୍ଦିର ପରିସରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଦେଖିବାକୁ ମିଳିଛି। କିପରି ଭିଡ଼କୁ ନିୟନ୍ତ୍ରଣରେ ରଖି ରତ୍ନଭଣ୍ଡାର ମରାମତି ହେବ ତାହା ଶ୍ରୀମନ୍ଦିର ପ୍ରଶାସନ ପାଇଁ ବଡ଼ ଚ୍ୟାଲେଞ୍ଜ ସୃଷ୍ଟି କରିଛି।