ଜୁଆ ଆଡ୍ଡାରେ ରେଡ଼

ବସ୍ତା (ବଡ଼ ଖବର ବ୍ୟୁରୋ): ଜଳେଶ୍ଵର ପୋଲିସର ଜୁଆ ଆଡ୍ଡା ଉପରେ ବଡ଼ ଧରଣ ରେଡ । ସୂଚନା ମୁତାବକ ଜଳେଶ୍ଵର ଥାନା ଅନ୍ତର୍ଗତ ରାଜପୁର ଓ ଝାଡେଶ୍ୱରପୁର ଅଞ୍ଚଳ ସୁବର୍ଣ୍ଣରେଖା ନଦୀ କୂଳରେ ଲକ୍ଷାଧିକ ଟଙ୍କାର ଜୁଆ ଦୀର୍ଘ ଦିନ ଧରି ଖେଳ ହେଉଥିଲା। ଖବର ପାଇ ଜଳେଶ୍ୱର ପୋଲିସ ଏକ ସ୍ୱତନ୍ତ୍ର ଟିମ ପ୍ରସ୍ତୁତ କରି ଗତକାଲି ରାତିରେ ଏହି ଜୁଆ ଆଡ୍ଡାକୁ ଘେରି ଯାଇଥିଲେ ।

ରେଡ ବେଳେ ଚାରି ଜଣକୁ ଗିରଫ କରିଛି ପୋଲିସ। ସେମାନଙ୍କ ପାଖରୁ ୧୮ହଜାର ଟଙ୍କା ସହ ୮ଟା ବାଇକ ୪ ଟି ମୋବାଇଲ ଜବତ ହୋଇଛି । ଆଉ କିଛି ଜୁଆ ଆଡ୍ଡାର ସଦସ୍ୟ ଘଟଣାସ୍ଥଳରୁ ଖସି ପଳାଇ ଯାଇଥିବା ସୂଚନା ମିଳିଛି। ସେପଟେ ଜଳେଶ୍ୱର ଆଇଆଇସି ରଞ୍ଜନ କୁମାର ସେଠୀ କହିଛନ୍ତି ଏହି ରେଡ଼ ଆଗକୁ ଜାରି ରହିବ ।