ଶ୍ରୀମନ୍ଦିରରେ ରାମ ନବମୀ

ପୁରୀ (ବଡ଼ ଖବର ବ୍ୟୁରୋ): ଚୈତ୍ରମାସ ଶୁକ୍ଳ ପକ୍ଷ ନବମୀ ତିଥିରେ ଶ୍ରୀରାମ ନବମୀ ଅନୁଷ୍ଠିତ ହୋଇଥାଏ । ବୁଧବାର ଦିନ ଶ୍ରୀ ରାମ ନବମୀ ଅବସରରେ ଶ୍ରୀମନ୍ଦିରରେ ମହାପ୍ରଭୁଙ୍କ ଶ୍ରୀରାମ ଜନ୍ମନୀତି ଅନୁଷ୍ଠିତ ହୋଇଛି । ଶ୍ରୀମନ୍ଦିର ପରମ୍ପରା ଅନୁସାରେ ସ୍ୱତନ୍ତ୍ର ଦେବଵିଧି ପାଳନ ହୋଇଥିଲା ।

ଏଥିପାଇଁ ମହାପ୍ରଭୁଙ୍କ ଦର୍ଶନ ପ୍ରାୟ ୪ଘଣ୍ଟା ବନ୍ଦ ରହିଥିଲା । ମଧ୍ୟାହ୍ନଧୁପ ପରେ ଶ୍ରୀରାମ ଜନ୍ମନୀତି ଅନୁଷ୍ଠିତ ହୋଇଥିଲା । ମହାପ୍ରଭୁଙ୍କ ଶ୍ରୀମନ୍ଦିରରେ ପବିତ୍ର ରାମଜୟନ୍ତୀ ଅତ୍ୟନ୍ତ ନିଷ୍ଠାର ସହ ପାଳିତ ହୋଇଛି । ରାମ ନବମୀ ନିମନ୍ତେ ଷ୍ଟେସନ ନିକଟ ଶ୍ରୀ ରାମ ମନ୍ଦିରରେ ମଧ୍ୟ ଶ୍ରୀ ରାମ ଜନ୍ମନୀତି ଵିଧି ବିଧାନ ସହ ଅନୁଷ୍ଠିତ ହୋଇଛି । ମନ୍ଦିରରେ ବିବିର୍ଣ୍ଣ ନୀତିକାନ୍ତି ସହ ହୋମଯଜ୍ଞ ଅନୁଷ୍ଠିତ ହୋଇଥିଲା । ଭକ୍ତମାନେ ଅତ୍ୟନ୍ତ ନିଷ୍ଠାର ସହ ମନ୍ଦିରକୁ ଯାଇ ମହାପ୍ରଭୁଙ୍କୁ ଦର୍ଶନ କରିଥିଲେ । କୋଭିଡ କଟକଣା ଅନୁଯାଇ ସମସ୍ତ ପୂଜାବିଧି ଯଥାରୀତି ଭାବେ ଅନୁଷ୍ଠିତ ହୋଇଥିଲା।