ମୁଁ ବଞ୍ଚିଛି ….ମୋ ନଥିପତ୍ର ଠିକ୍ କର

ରାୟଗଡ଼ା (ବଡ଼ ଖବର ବ୍ୟୁରୋ): ତହସିଲ ଆଗରେ ବସିଛି ଭୂତ । ସେ ପୁଣି ଆମରଣ ଅନଶନରେ । କଥା ଟା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିବ । ସତରେ ଜବୀନ୍ତ ଲୋକକୁ ମୃତ ଘୋଷଣା କରାଯାଇଛି । ସବୁ ସରକାରୀ ନଥିପତ୍ରରେ ମୃତ ଘୋଷଣା ହୋଇଥିବା ଅଭିଯୋଗ ମଧ୍ୟ ହୋଇଛି । ରାୟଗଡ ଜିଲ୍ଲା ତହସିଲ କାର୍ଯ୍ୟାଳୟ ଆଗରେ ଭୂତ ବସିଛି ଆମରଣ ଅନଶନରେ।

ଗତ କାଲିଠାରୁ ଦିବାରାତ୍ର ଅନଶନରେ ବସିଛନ୍ତି ପାର୍ବତୀ । ସେ କହୁଛନ୍ତି ମୁଁ ବଞ୍ଚିଚି। ମୋତେ ଯେଉଁ ସରକାରୀ ନଥିପତ୍ରରେ ମୃତ ଘୋଷଣା କରାଯାଇଛି ତାକୁ ସରକାରୀ ନଥିପତ୍ରରେ ଜୀବନ୍ତ କର। ଅନଶନରେ ବସିବା ପୂର୍ବରୁ ନିଜକୁ ଜୀବନ୍ତ ଘୋଷଣା କରିବା ପାଇଁ ପାର୍ବତୀ ତହସିଲଦାରଙ୍କ ଆଗରେ ନେହୁରା ବି ହୋଇଛି । ତେବେ ତ୍ରୁଟି ସୁଧାରିବା ପରିବର୍ତ୍ତେ ମହିଳା ଅଧିକାରୀଙ୍କ ଠାରୁ ଦୁର୍ବ୍ୟବହାର ପାଇଥିବା ଅଭିଯୋଗ ହୋଇଛି ।